Новости за 28.01.2020

Гәылрыԥшь араион акультура аҟәша аиҳабы Дмитри Габлиа арадио Sputnik Аԥсны аефир аҿы еиҭеиҳәеит иахьазы араион аҿы ицо амаҭәартә аолимпиада атәы.

Аԥсны ААР адырра ҟанаҵоит атәылауҩшәҟәқәа рыҭаратә Усбарҭақәа зегьы аштаттә режим ала аус руеит, атәылауаа рҟынтәи адокументқәа рыдкылара мҩаԥыргоит ҳәа.

Аҟәа ақалақь Турбаза араион аҿы ажьырныҳәа 26 раасҭа аӡы ыҟам.

Ҳаџьараҭ Ҭарсман ахара идҵоуп "Машәырла ауаҩы иҭахара зыхҟьаз амҩатә ныҟәара аԥҟаррақәа реилагаразы" ахәҭаҷ ала.

Ааамҭа-аамҭа афымцалашара арцәара ишԥарныруа аҟәатәи ахәыҷбаҳча "Алашара" ааӡамҭацәеи аусзуҩцәеи, абри атәы арадио Sputnik Аԥсны аефир аҿы еиҭалҳәеит ашколқәранӡатәи аҵараиурҭа аиҳабы Мадина Ҭыжәԥҳа.

28-тәи афидер (афымцацәаҳәа - аред.) аҟны ацәаҳәа аԥхасҭа ахьаиуз иахҟьеит Аҟәа ақалақь агәы аҟны афымцалашара арцәара.

Абнаԥстәы ажьы зфаны зҭагылазаашьа бааԥсхаз ҩыџьа ауаа аҟәатәи аҿкытә хәышәтәырҭахь иааган.

Аексперименталтә патологиеи амедицинеи рыҭҵаарадырратә институт аусзуҩы Альдона Салаҟаиаԥҳа арадио Sputnik Аԥсны аефир аҿы еиҭалҳәеит ааамҭа-аамҭа афымцалашара арцәара Аҟәатәи амаамынааӡарҭа аусура ишаныԥшуа.

Аԥсны иҟоу Урыстәыла аладатәи арратә база аррамаҵзурауаа рекипаж Т-72Б3 аиндаҭлара "Атанктә биатлон" алкааратә етап мҩаԥыргеит.

Аҟәа ақалақь агәаҿы афымцалашара ацәара ахҟьеит афымцацәаҳәа аԥхасҭа ахьаиуз, абри Sputnik иазеиҭеиҳәеит СУЕС аиҳабы Ҭимур Џьынџьал.

Авирус ҿыц ахы ахьцәырнагаз Китаитәи апровинциа Хубеи аҟны иҟоу 140-ҩык урыстәылаа. Дара арегион рызныжьуам ачымазара аҿкра аԥырҟәҟәааразы иалагалоу аԥкрақәа иахҟьаны.

Ареспубликатә хәышәтәырҭа атерапиа аҟәша аиҳабы Анжела Арҷелиаԥҳа арадио Sputnik аефир аҟны илҳәеит ҳтәылаҿы агрипп чымазара зыхьыз ауааԥсыра рхыԥхьаӡара шырацәоу атәы.