Новости за 03.04.2020

Ауааԥсыра акоронавирустә инфекциа рацәыхьчаразы Акоординациатә штаб есыҽны ицәырнагоит атәылаҟны аҭагылазаашьа зеиԥшроу азы аинформациа.

Тҟәарчал уахьалало ацхыраара ласы абригада, АҶА аусзуҩцәа, азинхьчаратә усбарҭақәа русзуҩцәа ахьыҷаԥшьо аблокпост аартуп.

Аԥсны Аҩнуҵҟатәи аусқәа рминистр идҵала мшаԥы 20 рҟынӡа аус зуа амилициатә постқәа еиҿкаауп.

Аҿкы чымазара алмырҵәаразы акарантинтә усмҩаԥгатәқәа рцашьа атәы арадио Sputnik аефир арубрика "Раионк аԥсҭазаараҟынтә" аҟны еиҭеиҳәеит Гәдоуҭа араион ахада Руслан Ладариа.

Иахьа Аԥсны ахьынӡанаӡааӡо ажәлар рхаҭа раԥшьгарала имҩаԥыргеит ахныҳәара, ачымазара ҿкы алаҵәара ашәарҭара ахьыҟоу инамаданы, Ҳазшаз илԥха-игәыԥха ҳамазарц, ачымазара хара иаҳҟәыгазарц азы. Уи шымҩаԥыргаз атәы ҳзеиҭалҳәоит Есма Ҭодуаԥҳа.

Аремонт-ақәгаратә машьынақәа РЭМ-КЛ рпартиа ҿыц ииасыз ашықәс азы иаашьҭын Аԥсны иҟоу арратә базахь.

Хәажәкыра 26 рзы Ареспубликатә хәышәтәырҭа аҿаԥхьа "Аихшарҭатә қьала" аадыртит, ашоура змоуи измами реихшаразы.

Ашахматқәа рзы онлаин-турнир раԥхьаӡа акәны Аԥсны имҩаԥысуеит. Иацы уи иалахәын 25 ашахматасыҩцәа.

Мчыбжьык инеиҳауп Аԥсны ауааԥсыра ихымԥадоу уск рымамзар рыҩнқәа ирдәылымҵуеижьҭеи. Sputnik акорреспондент лҽазылшәеит аҩнтәы бахҭа иҭахаз ауаа рхымҩаԥгашьа аилкаара.

Ачымазара ҿкы адунеи аҟны амҽхак анарҭбаа аамҭазы, аҩны адәылҵра анахәҭам аамҭазы, аԥсуа бызшәа акурсқәа Ҭырқәтәыла ишымҩаԥысуа атәы еиҭалҳәеит арадио Sputnik Аԥсны аефир аҿы арҵаҩы Дали Санӡааԥҳа.

Хәажәкыра 28 раахыс ареспубликаҿы иалагалоуп аҭагылазаашьа ҷыда арежим акоронавирус алаҵәара ашәарҭара ахьыҟоу азы.

Аҟәа ақалақь ахада инапынҵақәа назыгӡо Кан Кәарҷиа ҷыдала хылаԥшра аиҭалоит аҳҭнықалақь аҿы акоронавирустә инфекциа иаҿагыланы ауснагӡатәқәа шымҩаԥырго.

Нино Хецуриани, Москвантәи Аԥсныҟа хәажәкыра 29 рзы иааз, акоронавирус шлымаз шьақәдырӷәӷәеит ланализқәа.

Акоронавирус аҟынтәи ауааԥсыра рыхьчаразы акоординациатә штаб аҳәамҭала мшаԥы 2 рзы Аԥсны акоронавирус змоу аӡәгьы дыҟам.

Гал араион ахада Омар Бганба арадио Sputnik Аԥсны иаиҭаз аинтервиу аҿы еиҭеиҳәеит хҩык галаа акарантинтә ҭыԥ аҿы раамҭа шырхырго атәы.

Аԥсны ахада инапынҵақәа назыгӡо Валери Бганба адҵа ҟаиҵеит акоронавирус ахьазгәарҭахьоу атәылақәа рҟынтәи Аԥсныҟа иаауа акарантин ахьырхырго аҭыԥқәа рхиазарц.

Аԥсны ахада инапынҵақәа назыгӡо Валери Бганба аилатәара мҩаԥигеит ҿыц иалху ахада Аслан Бжьаниа иҭоубашьҭаҵара аиҿкааразы.