Новости за 15.04.2020

Иахьа ацәқәа ҵакны ицәаӷәо рхыԥхьаӡара маҷзаргьы, Тҟәарчал араион Аҟәарчаԥан аҳаблаҟны инхо Беслан Берзениа иахьа уажәраанӡа жәытәла қәаҭанала адгьыл дықәаарыхуеит.

Очамчыра амилициа араионтә ҟәша аиҳабы ихаҭыԥуаҩ Баҭал Ламиа арадио Sputnik Аԥсны иаиҭаз аинтервиу аҿы еиҭеиҳәеит акарантин аҿы иҟоу 24-ҩык ауааԥсыра рҭагылазаашьа атәы.

Акоронавирус аламырҵәаразы Аоперативтә штаб ауааԥсыра рахь ҩаԥхьа ааԥхьара ҟанаҵеит аҭагылазаашьа ҷыда аԥҟарақәа ирықәныҟәаларц.

Тҟәарчал араион Аҟәарчаԥан аҳаблаҟны инхо, Аҭагылазаашьа ҷыдақәа рминистрра Ҭҟәарчалтәи аҟәша аусзуҩ Беслан Берзениа арадио Sputnik арубрика "Раионк аԥсҭазаараҟынтә" аҿы еиҭеиҳәеит ақыҭан рнапы злаку, ачымазара ҿкы ишазыҟоу.

Амцакра ахьыҟалаз аҭыԥ иацәыхарамкәа ахатәы ҩнқәа гылан. Амца дырцәон Аҭагылазаашьа ҷыдақәа рминистрра амцарцәаҩцәа.

Аԥсны апрокуратура аусзуҩцәа рымш азгәарҭоит мшаԥы 15 рзы. Аԥсны апрокуратура хада аԥҵан 1994 шықәсазы. Тҟәарчал араион апрокурор Наргиза Мацхарашвилиԥҳа арадио Sputnik аефир аҿы илҳәеит лзанааҭ аналылхуаз лҭаацәа шазыҟаз, иара убас аусураҟны ихадароуп ҳәа илԥхьаӡо.

Акоронавирус аҽацәыхьчаразы иалагалоу аҭагылазаашьа ҷыда аамҭазы Аԥсны иахьаҵанакуа атуристтә обиектқәа асасцәа рыдыркылом, иара убас аԥсшьаҩцәа рыдыркылом Алада Урыстәыла арегионқәа рҟынгьы.

Есышықәса ааԥынразы апаҿақәа цәырҵуеит. Урҭ аԥстәқәа реиԥш ауаагьы аԥырхага рырҭар ауеит.

Аџьар Ҟаԥшь аордени Суворови Кутозови рҳамҭақәеи занашьаз Меџьыҭ Ԥкьын дҭахеит Польша ахақәиҭтәраан 22 шықәса дшырҭагылаз. "Саныҟам дышәхашәмыршҭын" ҳәа иара иҭоурых иазку ашәҟәы автор Гәыгәыца Џьыкырԥҳа арадио Sputnik Аԥсны аефир аҿы еиҭалҳәеит аибашьҩы иҭоурых.

Аԥсны Акоммунисттә партиа аԥҵан 1993 шықәса жьҭаарамзазы. Бакәыр Бебиа уи аԥшьбатәи ахантәаҩы иакәхеит.

Аԥсны акоронавирус змоу хҩык рҟынтәи ҩыџьа Гәдоуҭатәи ахәышәтәырҭаҿы ргәабзиара шьақәдыргылоит.