COVID-19 рзышьақәдырӷәӷәеит 47-ҩык Аԥсны атәылауаа, аӡәы лыԥсҭазаара далҵит
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 4349-ҩык ыҟоуп. Урҭ рахьтә ргәы бзиахеит 2413-ҩык, рыԥсҭазаара иалҵит 43-ҩык.
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 4349-ҩык ыҟоуп. Урҭ рахьтә ргәы бзиахеит 2413-ҩык, рыԥсҭазаара иалҵит 43-ҩык.
Ашьапылампыл азы Аԥсны Ахраҿазы афиналтә хәмарраҿы иреиӷьу ашьапылампыласҩы ҳәа иалкааз Гьаргь Дгьебуаӡе арадио Sputnik аефир аҿы еиҭеиҳәеит ахәмарраҿы гагратәи акоманда аиааира рзаазгаз ампыл амба ишҭаиршәыз.
Сынтәа уаанӡа аҵкыс амандаринатә партиақәа еиҳа заа Урыстәылаҟа идәықәыргалеит. Цәыббрамза абжараахыс аурыс-аԥсуа ҳәаа бжьаратәла уахыки-ҽнаки рыла иахысуеит 30 рҟынӡа еидарамҩангага машьына.
2018 - 2019 шықәсқәа рзы Аҟәа, Алашарбага араион ауааԥсыра аҿагыларатә акциа анымҩаԥырга ашьҭахь иӡбан абзазаратә црыҵ Аҟәантә Шьашьикәараҟа иргаларц.
Гал араион ахада актәи ихаҭыԥуаҩ Сурам Џьынџьал арадио Sputnik аефир аҿы еиҭеиҳәеит агәамсам кажьырҭатә ҭыԥ ҿыц азалхуп, аха уи аиҿкаара араион мацара ишалымшо.
2020 шықәсазы Гәдоуҭа араион аҿы еизган 800 тонна акырпыжәи ашьынкеи. Уи 200 тонна рыла еиҵоуп 2019 шықәсазы аасҭа.
2019 шықәсазы еизган 12,5 нызқь тонна аџьықәреи, 2020 шықәса жьҭаара анҵәамҭазы Аԥсны иҭаргалахьеит 17,7 нызқь тонна.
Жьҭаара 12 раахыс Аԥсны иҟоу Урыстәыла Ацҳаражәҳәарҭа Аконсултә ҟәша аамҭала аҭааҩцәа рыдкылара ԥнакит ареспубликаҿы аепидемиологиатә ҭагылазаашьа аицәахара инадҳәаланы.
Арежиссиор қәыԥш Атана Агрԥҳа жьҭаара 30 рзы зметр кьаҿу лфильм "Сара ак уасҳәарц сҭахуп" азы иланашьахеит гран-при 40-тәи ВГИК астуденттә фестиваль аҿы. Арадио Sputnik аефир аҿы Аҭана Агрԥҳа еиҭалҳәеит афильм зызкуи, насгьы лиааира лара лзы ҵакыс иамоуи ртәы.
Ҵыԥх Аԥсны раԥхьатәи асы леит цәыббра 23 рзы, аха уи рацәак ишьҭамхакәа мышқәак рышьҭахь иӡыҭит.
Абҵара акы азы Аҟәа ахадара асиат аҿы алаҳәара ҟаҵан аҿкчымазаратә хәышәтәырҭаҿы "ацәаҳәа ҟаԥшь" аҿы аусуразы амедиеҳәшьцәеи асанитарцәеи аҭахуп ҳәа.
2020 шықәса абҵара 1 инаркны ақалақьтә транспорт (автобусқәа, атроллеибусқәа, амаршруттә таксиқәа) Аидгылара амҩала рныҟәара хацыркхараны иҟан.
Аԥсны Ахраҿа афиналтә хәмарра ахәаԥшцәа Мадина Бганԥҳаи Есма Џьыкырԥҳа арадио Sputnik аефир аҿы еиҭарҳәеит Гәдоуҭеи Гагреи ршьапылампылтә командақәа реиԥылареи, насгьы ахәмарра ирнаҭаз агәалаҟара бзиеи ртәы.
Ашьапылампыл азы Аԥсны Ахраҿазы афиналтә хәмарра мҩаԥысит астадион "Динамо" аҿы амҽыша, абҵара 1 азы. Аиԥылара мҩаԥыргон гәдоуҭатәи "Риҵеи" "Гагреи". Ахәмарра шымҩаԥысыз Sputnik аматериал аҿы.
Аинформациатә маҵзура Sputnik Аԥсны иазнархиеит амчыбжь аҩныҵҟа еиҳа иналукааша ахҭысқәа реиқәыԥхьаӡа.