Новости за 24.11.2020

Аԥсны акоронавирустә чымазара ҿкы аламырҵәаразы иназыцҵоу аԥкрақәа ралагаларазы адҵа инапы аҵаҩын жьҭаара 13 рзы, урҭ рыҿҳәара нҵәон абҵара 24 рзы.

Гәымсҭатәи амассив, Ешератәи амҩа аӡымҩангага аремонт азыруеит абҵара 25 рзы, убри инадҳәаланы аӡынашьҭра аанкылахоит.

Аҳақьым - атерапевт Оксана Лакербаиа арадио Sputnik аефир аҟны еиҭалҳәеит COVID-19 зхызгаз даҽа чмазарак рзыннажьуа ма иаргәамҵуа иҟоу иҟаму атәы.

Пицундеи Цандрыԥшьи амҩақәа рремонт иалагараны иҟоуп Аԥсны асоциал-економикатә ҿиараз Аинвестпрограмма аҳәаақәа ирҭагӡаны.

Гәылрыԥшь араион Дранда иҟоу ачаӡырҭа "Ачабаба" аиҳабы ихаҭыԥуаҩ Кьасоу Чачхалиа арадио Sputnik арубрика "Раионк аԥсҭазаараҟынтә" аҳәаақәа ирҭагӡаны еиҭеиҳәеит афымцалашара сааҭ-сааҭла арцәараан русура шеиҿкаауа атәы.

83 шықәса дшырҭагылаз иҧсҭазаара далҵит еицырдыруа аҧсуа шәҟәыҩҩы, апоет, апрозаик, аиҭагаҩ Никәала Кәыҵниа.

Цәыббрамзазы Гәдоуҭатәи ацентртә раионтә хәышәтәырҭахь инаган акомпиутертә томограф аппарат, аԥсуа бизнесуаа рԥарала иаархәаз.

Абҵара 24 аҽны 55 шықәса ихыҵит аҵарауаҩ, ауаажәларратә усзуҩ Адгәыр Какоба. Арадио Sputnik аефир аҟны еиҭеиҳәеит ишықәсқәа дшырзыҟоу атәы.

Азинеилагаҩ ианеиҳаха абри аумҭазы 3-7 шықәса иқәырҵоит хараԥсаны миллион мааҭ ашәара нацҵаны.

Аԥснытәи аҳәынҭқарратә университет цәыббрамзазы аграфик ҿыц ахь ииасит. Алекциақәа рыхәҭак адистанциатә ҟазшьа рыҭан, егьи рыхәҭа – уаанӡатәи арежим аҿы иныжьын.

Абҵара 23 рзы Аԥсны Апарламент Аминистрцәа реилазаара иабжьнагеит ареспублика аҵакыраҿы ЕгрыГЕС аремонт хыркәшахаанӡа амаининг усура ааннакыларц.

Аиндаҭлара мҩаԥысуеит абҵара 23 инаркны ԥхынҷкәын 15 рҟынӡа. Иара иеиҿкааҩцәоуп Аҟәа ахадара аекономикатә ҿиара Адепартаменти ауснагӡатәқәа рымҩаԥгареи аӡыргареи рыҟәшеи.

Жәлар реизара адепутата Баҭал Табаӷәуа арадио Sputnik аефир аҟны еиҭеиҳәеит амаинингтә фермақәа русура аанкыларазы ирыдыркылаз ақәҵара амч аиуны иҟалоит ҳәа зыимԥхьаӡо.

Акьыбачымазара амилаҭтә хәышәтәырҭа аҳақьымцәа ачымазцәа хәыдаԥсада ирыдыркылоит есхашала.