Новости за 13.08.2021

Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 23456-ҩык ыҟоуп, ргәы бзиахеит 19117-ҩык, рыԥсҭазаара иалҵит 341-ы.

Аацы ақыҭан аҽқәа рыла аныҟәарақәа есааира иаднаԥхьалоит хыԥхьаӡара рацәала аԥсшьаҩцәа. Аекскурсиақәа мҩаԥызго Асҭамыр Кьылба арадио Sputnik аефир аҿы еиҭеиҳәеит сынтәатәи аԥсшьара аамҭаз ирҭааз ауаа ахьынӡарацәоу.

Хәажәкырамзазы аӡбарҭа Џьамал Гогьиа иусура иамхразы Аԥсны Иреиҳаӡоу аӡбарҭа ахантәаҩы Манана Делԥҳа лахь иашшраз административтә усеилыргара ааннакылеит, ашшыҩ атәылауаҩратә усеилыргара аҟазшьала аӡбарҭахь ашшраз азин имоуп ҳәа шьақәнаргылеит.

Иацы Аԥсны агәабзиарахьчара аминистр Едуард Быҭәба Акоординациатә штаб аилатәараан иҳәеит Аԥсны акоронавирус азы аҭагылазаашьа цәгьоуп, аха иҭышәынтәалоуп ҳәа.

Риҵатәи аҳәырԥсарра иахьаҵанакуа Кәыџба иашҭахь уназго амҩа аҟаҵара ишаҿу атәы еиҭеиҳәеит Риҵатәи Амилаҭтә парк абнахылаԥшҩы хада Ҭенгьиз Џьергьениа.

Аԥсуа-аурыс ҳәааҿы иаанкылан закәаншьаҭада ареспубликахь иаларгалоз аконтрафакттә маҭәа.

Аԥсны АШәМ аусзуҩцәа аоперативтә информациа аус адуло нанҳәа 6 рзы дааныркылеит Қырҭтәыла атәылауаҩ, зыҩны аџьаԥҳани артҟәацгеи ҵәахны измаз.

Есышықәса, нанҳәа 14 – 1992-1993 шш. рызтәи Аԥсны Аџьынџьтәылатә еибашьра алагара амш аҽны ареспубликаҿ аԥсадгьыл ахьчаҩцәа ргәаладыршәоит.

Аротавирус, акьатеитә инфекциа аԥхын аамҭазы рхы шаадырԥшуа, ичмазаҩу ахәыҷқәа ахьынӡарацәоу атәы арадио Sputnik аефир аҟны еиҭеиҳәеит Ареспубликатә хәыҷтәы хәшәтәырҭа аҳақьым хада Игор Џьопуа.

Амедусҳәарҭа аргылара мҩаԥгахоит Аԥсны асоциал-економикатә ҿиаразы Аинвестициатә программа аҳәаақәа ирҭагӡаны.

Ахаҵа аушьҭырҭатә ҭыԥ "Адлер" аҿы даанкылан Урыстәылантә Аԥсныҟа даналалоз. Иара документк аҳасаб ала ицәыригеит Ареспублика Беларусь атәылауаҩшәҟәы ԥаршеи.

Руслан Қаџьаиа арыжәтә ыжәны амҩатә машәыр ҟаиҵеит, уи иахҟьаны ԥшьҩык ауааԥсыра ҭахеит ҳәа ахара идҵаны иус аӡбарҭахь инашьҭын, 10 шықәса иқәҵан, игәабзиара шьақәгылаанӡа иараӡаны.

"Афестиваль "Хьыбла Гьерзмааԥҳа шәаалыԥхьоит..." аҳәаақәа ирҭагӡаны нанҳәазы имҩаԥысран иҟаз аконцертқәа аковидԥырҟәҟәааратә уснагӡатәқәа ирхырҟьаны рыҿҳәара инахан.

Аусурақәа ахьынӡанагоуи, аӡымҩангагақәа рыԥсахраҟны ицәырҵыз ауадаҩрақәеи, аспециалистцәа рызнеишьақәеи арадио Sputnik аефир аҟны дрылацәажәеит Аҟәатәи Аӡыканал анџьныр хада Мераб Анқәаб.

Аҟәатәи амҩақәа хԥа рҿы Аинвестпрограмма аҳәаақәа ирҭагӡаны аремонт-еиҭашьақәыргыларатә усурақәа мҩаԥысуеит – аӡыршьҭрақәа шьҭарҵоит.

Аԥсны амедусҳәарҭақәа рҟны акоронавирус аҟынтәи алаҵаҟаҵара еиҭахацыркхеит нанҳәа 10 инаркны "Спутник Лайт" ала.