Пентагон: Шемахь дозанхойн керла эскар кхуллуш дац Iамерко

18.01.2018 13:34

Radiomarsho.com

Iамеркан тIеман буьйранчаша Шемахь меттигерчу бахархошлахь вовшахтохарш дан беш кечамаш бу, амма керла арми я дозанхойн ницкъаш кхолларх дуьйцуш данне а дац. Iамеркан Цхьанатоьхначу Штатийн тIеман министралло бина и хаам.

Пентагонан дIахьедарехь дуьйцу, "Исламан пачхьалкх" шех олу тоба хIаллакъян йолийна кампани ерзаза ю, Шеман цхьайолчу кIошташкахь хIинца а беш тIемаш бу. Цул совнах, Iамерка коьртехь лаьттачу коалицин ницкъаша джихIадхойх маьршаяьхначу кIошташкарчу бахархошна кхерамзалла ю латтош.

Ишта тIеман министралло билгалдоккху, Шемахь тIеман операци дIахьочу хенахь Вашингтоно Туркойчоьнан интересаш тидаме а оьцуш хиларх а, кхи дIа а Хонкарана ДаIишхошца къийсамехь гIортор латториг хиларх а.

Шеман-туркойн дозанера курдойн кIошташ Iалашъян мисси тIейожорхьама Iамеркан Цхьанатоьхначу Штатийн тIома кIел кхуллу "кхерамзаллан ницкъаш" луьрачу критике даьхнера Туркойчоьнан президенто ЭрдогIан Реджепа.

Беккъа курдойх а, церан агIончех а лаьтташ хир ду 30 эзар гергга стагах вовшахтуху эскарш аьлла, хаамашкахь даржийнера.

Хонкарарчу митингехь вистхуьлуш ЭрдогIана дIахьедира, туркойн Iедалшна шайн бартхо лоручу пачхьалкхо, Туркойчоьнна кхераме хир йолу террорхойн арми вовшахтухуш ю аьлла.

Шеман къилбехьа Iамеркан инициативаца кхуллуш долу тIеман эскарш, шаьш зIидигаш хецале хIаллакдийр ду аьлла, кхерамаш теснера туркойн президенто.

Читайте на сайте

Smi24.net — ежеминутные новости с ежедневным архивом. Только у нас — все главные новости дня без политической цензуры. Абсолютно все точки зрения, трезвая аналитика, цивилизованные споры и обсуждения без взаимных обвинений и оскорблений. Помните, что не у всех точка зрения совпадает с Вашей. Уважайте мнение других, даже если Вы отстаиваете свой взгляд и свою позицию. Мы не навязываем Вам своё видение, мы даём Вам срез событий дня без цензуры и без купюр. Новости, какие они есть —онлайн с поминутным архивом по всем городам и регионам России, Украины, Белоруссии и Абхазии. Smi24.net — живые новости в живом эфире! Быстрый поиск от Smi24.net — это не только возможность первым узнать, но и преимущество сообщить срочные новости мгновенно на любом языке мира и быть услышанным тут же. В любую минуту Вы можете добавить свою новость - здесь.