Новости за 18.01.2018

Шина кIирана чохь пхиъ къепедацар лелорца гIар а ваьлла, лаьцна волу нохчийн кхиазхочун а, цуьнан накъостан а дов хоттуш дара Венехь. Iедалхоша чIагIдарехь, цу хене кхаччалц волеларца я зуламашца коьртах ваьлла хилла воцу 17 шо долу жимстаг цIеххьана волавелла хилла летаршкахь а, садоIучу меттигашкахь девне вийла а, ткъа иштта къоланаш дан а. Иштта Венерчу кхелехь цунна бехке дуьллу полисхойн машенан неI йиллина, цу чуьра Iедалхойн машенан лоьмарш лачкъор а, дискотекин кораш кегдар а, ша санна болчу австрийхойн кхиазхойх латар а... Читать дальше...

Соьлж-ГIаларчу "Мемориало" лаьцначу хIусаман долахочуьнгара догIанаш деха баьхкина хилла полисхой. Москохарчу "Мемориалан" бакъонашларъярхочо Орлов Олега бина и хаам. Цо аларехь, хIусаман догIа схьадехна полицино. Шегахь догIанаш дац, арендаторшкахь ду аьлла зудчо. Цул хьалха хеттарш дина цуьнга, мича бух тIехь цаьрга елла ахь хьайн петар, бохуш. "Айхьа хьаьнга елла хаьий хьуна? Хьо харц юйла гуш дуй хьуна?", - бохуш, садиина баьхкинчара хIусаман долахочун. Орловс бахарехь, бакъонашларъяран... Читать дальше...

Оьрсийчоьнан президентехула бакъонашларъян векал йинчу Москалькова Татьянас хаамбина, Нохчийчохь яйначу Автурханова Аминатца шен зIе хилла аьлла. "Иза шен цIахь а ю, телефонехула къамел а хилла сан цуьнца", - аьлла "Интерфакс" агенталле омбудсмено. Цо бахарехь, Автурхановас ша ши кIира хьалха лаьцнера, цул тIаьхьа дIахийцира, хIинца шен цIахь ю ша аьлла. Нохчийчоьнан бакъонашларъярхочуьнга Нухажиев Нурдига иза ехачу юьрта а гIой, цуьнгара хьал дийца аьлла, дехар дина ша аьлла Москальковас. "Новая... Читать дальше...

Нохчийчуьрчу Талламан комитето Соьлж-ГIалахь вайначу Бакаев Зеламхан хьокъехь бехкхуламан гIуллакх кхи дIа а толлур ду шаьш аьлла, мехкан куьйгалхочо телевизионан эфирехь, иза вийна хила тарло аьлла, дIахьедар динчул тIаьхьа. Дахначу шеран 17-чу дийнахь полисхойн декъе шен вайначу кIантах хаамбинера цуьнан нанас Бакаева Маликас. Бутт баьллачул тIаьхьа мехкан прокуратурано талламаш болабар тIедожийра Бакаевн дIаварах. Доьза вайначу Бакаевн, болчу хаамашца, бехкзуламан гIуллакх диллина Лахьан-беттан 22-чохь. Читать дальше...

Къилбаседа Кавказан къаьмнийн Ассамблейн куьйгалхочо Кутаев Руслана кхайкхам бина Оьрсийчоьнан президентан харжамийн кандидаташка Грудин Павеле а, Собчак Ксенияга а, нохчийн бакъонашларъярхо Титиев Аюб дIалацар толлуш леррина комисси кхолла аьлла. Прокуратуран а, Кхерамазаллан сервисан а, талламан комитетан а белхахой юкъахь а болуш хила еза и комисси, Кутаевс бахарехь. "Шун бакъо ю и комисси кхолла, цуьнан белхан терго йийр ю шун харжамхоша", -аьлла, билгалдаьккхина Кутаев Руслана. Наркотикаш а кхуьйсуш... Читать дальше...

Ярычев Насрудди саннарг кхин вац цуьнан нийсархошлахь - 35 шо бен доцу иза ву педагогикан а, философин а доктор …Машено лазийна ха тодаллалц са ца туьйш, заьIапхочун гIудалкхара а воссаза вахара Челябинске докторан дарж даккха 28 шо долу педагог-Iилманча 2011-чу шарахь. Школехь иккхина конфликт талла хьехархочунна оьшучу оьздангаллах лаьцна яра цуьнан тема. Цунна цигахь елира педагогикан Iилман докторан цIе. "Тхуна хьалха дуьххьара нислуш ду хIара Iаламат - дешарехь хьуьнар даккха веана вацара кхуза хIинццалц оццул къона похIманча. Читать дальше...

"Мемориал" организацин декъашхочо Орлов Олега дуьйцу, хIунда ца беза Нохчийчохь бакъонашларъярхой.

ГIалгIайчуьра бакъонашларъяран "Мемориал" центран офисехь цIетасар цивилан юкъаралла а, демократи а кхиорна тIелатар дар санна ду, бехкенаш каро а беза, царна таIзар дан а догIу аьлла Оьрсийчоьнан омбудсмено Москалькова Татьянас "Интерфакс" агенталле. "Офис ягор – цкъа а хилла доцу, ирча хIума ду. ХIуъа дина а оцу зуламна бехкеверг каро хьовса деза, хIунда аьлча, цIетасар я бакъонашларъярхоша бечу балхана зен дар – демократин лога тIе ког баккхар, цивилан юкъаралла кхиорехь новкъарло яр санна хIума ду", - аьлла журналисташка Москальковас. Читать дальше...

Iамеркан тIеман буьйранчаша Шемахь меттигерчу бахархошлахь вовшахтохарш дан беш кечамаш бу, амма керла арми я дозанхойн ницкъаш кхолларх дуьйцуш данне а дац. Iамеркан Цхьанатоьхначу Штатийн тIеман министралло бина и хаам. Пентагонан дIахьедарехь дуьйцу, "Исламан пачхьалкх" шех олу тоба хIаллакъян йолийна кампани ерзаза ю, Шеман цхьайолчу кIошташкахь хIинца а беш тIемаш бу. Цул совнах, Iамерка коьртехь лаьттачу коалицин ницкъаша джихIадхойх маьршаяьхначу кIошташкарчу бахархошна кхерамзалла ю латтош. Читать дальше...

Twitter агIон тIехь "аьшпийн хаамийн гIирсийн совгIаташ" кхаьчна толамхой дIакхайкхийна Iамеркан президенто Трамп Доналда. Фейкийн зорбанийн хьалхарчу могIаре хIоттийна Iамеркан Цхьанатоьхначу Штатийн экономика цкъа а меттахIуттур яц аьла, материал зорбане яьккхина  The New York Times газета. Тептарехь 4-зза хьахийна CNN телеканал. Iамеркан президентан а, цуьнан кIентан Доналдан а WikiLeaks чуьра хакерийн документашна тIекхочийла хиларх а, финансистан Скарамуччи Энтонин оьрсийн бизнесхочуьнца Дмитриев... Читать дальше...

Казахстанан Актюбинскан кIоштахь "Икарус" автобус яьгна чохь нах а болуш. 52 стаг ву верриг а велларг. "Интерфакс" агенталле и хаамбина сихаллин орца кхачочу Комитетан официалан векало Иманкулов Руслана. Йогучу машенчуьра 5 стеган каяьлла дийна аравала. Медицинан гIо кхачийна царна. Nur.kz хаамийн гIирсо бахарехь, Узбекистанан бахархой бу боллу пассажираш. Йоьдуш лаьтташехь серий вовшахкхетта кхерстина автобус чохь цIе. Цул совнах, автобус тIех сов йоьттина а хилла, дуьйцу. Бохам хиллачу меттигехь болх беш бу полисхой... Читать дальше...

ГIаттамхошца уьйрашкахь хилла аьлла, кхеле озийна 31 шо долу Картоев Джамлай бехке ву аьлла, тIечIагIдина гIалгIайн прокуратурано. Талламо бахарехь, 2013-чу шеран гурахь дуьйнна дахначу шаре кхаччалц, ГIалгIайчоьнан дозан тIехь хиллачу гIаттамхойн тобанна медикаменташца а, тIеюхучу бедаршца, кхи а оьшучу гIирсаца гIоьналла латтош хилла Картоевс. Малгобекехь иза вехачу цIийнах хьаьвсича гIаттамхоша ларъян цуьнга елла  Ф-1 граната а карийна полисхошна.

Махкарчу Iедална дискредитаци ярхьама тесна ю "Мемориалан" офисах цIе аьлла, дIахьедина ГIалгIайчоьнан куьйгалхочо Евкуров Юнус-Бека, амма гIо лоцур ду аьлла, тIе ца лаьцна дуьйцу "Мемориалан" куьйгалхочо Акиев Тимура. Де хьалха буьйса юкъал тIех яьллачу хенахь, цкъачунна муьлш бу къаьстина доцчцу наха Назранерчу "Мемориалан" офисах цIе тесна. Яьгна оргтехника а, чуьра йийбар а, документаш а. Адамашна зен ца хилла. "ТIейогIучу хенахь цхьа агIо ян гIорта а там бу меттигера Iедал, амма цкъачунна... Читать дальше...

Шина кIиранах гергга диллина лаьттира Anti Kadyrov YouTube-канал. Цуьнан агIонашкахь видеош Iорайохура Нохчийчуьрчу яхархочо мехкан куьйгалхочунна критика еш. Болчу хаамашца, карарчу беттан 5-чу дийнахь дуьххьара схьадиллина дара и канал. Ша Нохчийчоьнан яхархо ю бохучу жимачу зудчо кхайкхамаш бора шен видеошкахь Кадыров Рамзане а, цунан нене Айманига а, махкахь нах лечкъор сацаде бохуш. "Грозный" пачхьалкхан телехьожийлехь гайтинчу сюжетехь Iораяьккхира оцу зудчун цIе, иза хиллера Францехь еха Гучигова Iайшат. Читать дальше...

Къилбаседа Кавказан къоман гвардин командиран гIовс хIоттийна Делимханов Алибек. Полицин полковник, 1974-чу шарера Делимханов Алибек цIера Джалкера ву, "Север" батальонан командир а лаьттина иза Къилбаседа Кавказан округна юкъайогIучу субъекташлахь ю Дагестан, Нохчийчоь, ГIалгIайчоь, Къилба ХIирийчоь-Алани, ГIебарта – Балкхаройчоь, Кхарачойн -Чергазичоь, Ставрополан кIошта а.

Нохчийчоьнан куьйгалхочо кхеташонехь дIакхайкхийна Соьлж-ГIаларчу "Мемориалан" куьйгалхо Титиев Аюб лацарх а, ишта вайначу Бакаев Зеламхах а. Кхаарийн суьйранна меттигерчу ЧГТРК "Грозный" каналан эфирехь дина цо и къамел. "Шайн кIантана тIехь Iуналла ца динчу цуьнан (Зелиман) гергарчу нахана эхь хеташ хир ду ма дарра даредан, Кадыровс дIавигина иза а бохуш. Мичахь ду тоьшаллаш? Ас телехьожийлехь олуш хезний шуна, иза лаца веза бохуш? Гиний шуна полицино иза лоцуш а? Волчу нахе саца ца велла иза... Читать дальше...