Оьрсийчоьнан 28 спортхочунна тоьхна санкцеш юхаяьхна Лозаннан кхело
![Оьрсийчоьнан 28 спортхочунна тоьхна санкцеш юхаяьхна Лозаннан кхело](https://gdb.rferl.org/3EAF8BFD-8A48-4910-8E4A-3DAFD1E82276_cx0_cy14_cw0_w800_h450.jpg)
Антидопинган низамаш дохорна, Олимпан ловзаршка некъаш дихкинчу Оьрсийчоьнан 30 спортхочо чуеллачу апелляцех 28-нна жоп делла Лозаннерчу спортхойн арбитражан кхело. Оцу спортхошна дуьхьал яьхна санкцеш юхаяьхна, 2014-чу шарахь цара Сочехь Олимпиадехь гайтина жамIаш бакъонца хилар тIе а чIагIдеш. Кхелан сайте баьккхина и хаам.
Дуьненаюкъарчу олимпикан комитето Освалд Денисан комиссино Сочехь спортхоша допингаш лелийна я ца лелийна теллинчул тIаьхьа Оьрсийчоьнан спортхошна Олимпиаде бахка дуьхьало йинера.
Хьалхо дуьненаюкъарчу олимпикан комитето (МОК) Сочехь Олимпиадехь дакъалаьцна 43 Оьрсийчоьнан спортхо бехкевинера антидопинган низамаш талхорна, цара цигахь гайтина жамIаш а шеконашка а дохкуш.
Цул совнах, гуттаренна а Олимпан ловзаршка ца бита, сацам тIеэцнера.