Титиев маьршаваккхарехь гIо доьху бакъонашларъярхоша ФИФА-га
![Титиев маьршаваккхарехь гIо доьху бакъонашларъярхоша ФИФА-га](https://gdb.rferl.org/8C05045D-D27A-4B1B-B69C-D8594CA68433_cx0_cy6_cw0_w800_h450.jpg)
Iедалшца йоьзна йоцчу 14 гIараевллачу организацийн векалша ФИФА-н президенте Инфантино Джаннига кхайкхамбина, Оьрсийчоьнан Iедалшца Нохчийчохь адамийн бакъонаш ларъярх дийцарш дIахьо аьлла. Иштта доьху цара Соьлжа-ГIаларчу "Мемориалан" куьйгалхо Титиев Аюб маьршаваккхарехь гIо лацар а.
Human Rights Watch-о а, къизаллашна дуьхьало латточу Комитето а, Amnesty International-о а, Оьрсийчоьнан ЛГБТ-машано а, кхечара а куьйгаш яздина кехат "Мемориалан" сайте зорбане даьккхина.
Ларамза дац ФИФА-н цIарах кехат яздар – Оьрсийчохь дуьненан чемпионат йоьдучу юкъанна, цо магийна ду Мисарарчу тобанна Соьлжа-ГIалахь куп тоха.