Марха лаца тIаьххьара кечамаш беш, жигара дIалахьи Соьлжа-ГIаларчу «Беркат» базарахь йохка араяьхна кхачан сурсаташ. Даим а марха лоцуш а, достуш а къаьсттина хаало мехаш хIинццалц хиллачул а дистина. Маршо Радион корреспонденто теллира кху деношкахь йоккхачу базарахь лаьтта хьал.
Берриг а бусулбанаш санна и беркате бутт тIекхачаре сатуьйсуш бара Нохчийчура бахархой а. Мархийн баттахь, хууш ма хиллара, яарца а, маларца а, леларца а, багара йолучу Iаьнарца а цхьацца декхарш ду.
Iедалшца йоьзна йоцчу 14 гIараевллачу организацийн векалша ФИФА-н президенте Инфантино Джаннига кхайкхамбина, Оьрсийчоьнан Iедалшца Нохчийчохь адамийн бакъонаш ларъярх дийцарш дIахьо аьлла. Иштта доьху цара Соьлжа-ГIаларчу "Мемориалан" куьйгалхо Титиев Аюб маьршаваккхарехь гIо лацар а. Human Rights Watch-о а, къизаллашна дуьхьало латточу Комитето а, Amnesty International-о а, Оьрсийчоьнан ЛГБТ-машано а, кхечара а куьйгаш яздина кехат "Мемориалан" сайте зорбане даьккхина. Ларамза дац ФИФА-н цIарах кехат яздар ... Читать дальше...
Москох цхьа могIа теракташ кечдина хилла аьлла, кхело бехкевина "Исламан пачхьалкх" шех олучу тобан виъ декъашхо, царлахь ву Цечоев Тамерлан а. Тобанхой лецнера стохка Iай. Оьрсийчоьнан къайлахчу сервисийн зерашца, "резонансе терроран акцеш дан Iалашо хилла церан шаьш куьйга йинчу лоьлхуьйтуршца". "Туркойчохь волчу даIишхойн эмиссаран куьйгаллица кечдеш хилла тIелатарш", -аьлла ФСБ-н векало. Теракташ кечдарна а, герз дохкарна а, бакъо йоцуш шайн куьйга лоьлхуьйтурш ярна а аьлла, бехкебинчу Наимов Хисматуллана а... Читать дальше...
Бусалбачу наха уггар беза лору Сийлахь Мархийн Бутт карабеа. СаIудерчу бусалбачу Iеламнехан дIахьедарца, еара - хьалхара марха лоцу де ду. Цу дийнан дозаллин сий-лерам беш, сагIийна хIума а луш, марха лаца кечамаш беш бу Нохчийчуьра бахархой а. Дийнна мархийн баттахь хIора Iуьйра ламаз Соьлжа-ГIаларчу доккхачу маьждигчохь динчу 14 шаре верзаза мел волчу кхиазхочунна дезачух совгIат дийр ду аьлла, дIакхайкхийна махкарчу кегийрхойн гIуллакхашкахула йолчу министраллан хьаькамо Ибрагимов Iийсас.
Стамбулерчу Израилан инарла консуле цхьана ханна шайн пачхьалкхера аравалар дехна Туркойчоьнан арахьарчу гIуллакхийн министралло. Anadolu агенталло бина и хаам, министраллерчу шайн хьостех пайда а оьцуш. Оршотдийнахь, Газан секторан дозанехь Израилан эскаршца протестхойн вовшахтасадаларш хиллачул тIаьхьа иккхина Туркойчоьнна а, Израилна а юкъахь дипломатин конфликт. Иерусалимехь Iамеркан векалалла схьаеллар ду хIоьттина бахьана. ХIетахь вийра 60 палестинхо. Шинаридийнахь туркоша Израилан посол шайн махкара араваьккхича... Читать дальше...
Череповец гIаларчу полицига яйначу 15 а, 16 а шераш долчу шина йоьIан дайша-наноша хаамбина, и шиъ цIа ца еана аьлла. Талламчаш тIекхиина, и ши йоI Къилбаседа Кавказерчу цхьана республике яхна хир ю аьлла. Масех де даьллачул тIаьхьа Дагестанерчу полисхоша Череповец гIаларчу шайн коллегашка дIахаийтина, цара лоьхучех тера ши зудабер лаьцна шаьш аьлла. Шина йоIа дийцина, интернетехула кегийчу нахаца уьйр теснера шаьшиммо, тIаккха маре яха дагахь дIаяхара шаьшиъ, аьлла. Мехкарий могуш карийна, карарчу... Читать дальше...
"Новая газетан" хаамашца, стохка Нохчийчохь байина аьлла, кхайкхийначу кегийчу нахана дуьхьал бехкзуламан гIуллакхаш даьхна, уьш Шемарчу "Исламан пачхьалкх" шех олучу тобанах дIакхетта аьлла. Оьрсийчоьнан омбудсмено Москалькова Татьянас бина и хаам оьрсийн "Би-би-си" гIирсе. Царех масанна дуьхьал долийна гIуллакх Москальковас хаийтина дац, амма "Новая газетан" тептарехь 27 стаг вара уьш. Омбудсмено бахарехь, оцу гIуллакхна тIехь шен терго латтош ю иза, цкъачунна кхин тIетоха керла хIуммаъ дац. Читать дальше...
Кху деношкахь Тель-Авивера Iамеркан Цхьанатоьхначу Штатийн векалалла дехьаяьккхина Иерусалиме. Оцу бахьанашца Газан секторехь вовшахтийсадаларш хилла, иттанашкахь палестинхой белла. "ООН коьртехь лаьттачу дуьненаюкъарчу организацешна а, доллу дуьненна а дуьхьал эхь ца хеташ шеташ тохар ду и" аьлла Нохчийчуьрчу зорбан министро Умаров Джамбулата ситуацех дуьйцуш. "Iамеркан президент ву и стаг- Трамп Дональд. Цхьана Iалашонашца шен пачхьалкхан векалалла Иерусалиме дехьаяккхар тIедожош, омра до цо. Читать дальше...
Соьлжа-ГIаларчу школашкахь дешархойн дай муьлхачу вирдера бу толлуш, информаци ю лахьош. Маршо Радионо 2016-чу шарахь яздира, меттигерчу бахархоша даредарца, Iедал кегийрхошна "оьздангаллин паспорташ" далар дIахьош ду, кегийнах ойланца, кхетамца зуьйчуха аьлла. Нохчийчуьрчу парламентан сайта тIехь а хаам баьржинера, тIейогIучу хенахь хIора 14 шарера 35 шаре ваьлла жимстаг, мехкан куьйгалхочун омраца оьздангаллин "паспортизацех" чекхвала декхаре ву аьлла. Оцу паспорташтIехь билгалдаьккхина хир ду муьлхачу къомах ву... Читать дальше...
ШолгIа де а ду Страсбургехь нохчий бехачу каппашкахула полицино рейдаш дIахьо. Оршотан буьйса юккъе яьллачул тIаьхьа чулилхинчу полисхоша дIавигина масех нохчо. Бу царлахь бераш долу зударий а. Доьзалш лулахошкахь а буьтуш йигина цхьана хIусамера нана а, йоI а. ДIавигина деа беран да, хIусамнана кегий бераш хиларна йитина, амма карара телефон дIаяьхьна полисхоша. Кхааридийнахь делкъал тIаьхьа тIекхайкхина ю иза, хеттарш дан. ХIора а хIусамах хьуьйсуш, компьютерш кегош, лехамаш дIабаьхьна баьхкинчара. Читать дальше...
