"Антисемитизм" яржайо аьлла, бехкебина Австрин канцлеро нохчий а, овхIанхой а
Нохчийн а, овхIанхойн а мухIажирш антисемитан дог-ойла яржорна бехкебина Австрин канцлеро Курц Себастьяна. "Европера баьхкинчу мухIажирел а хала дIаоь бухарчу къаьмнех цхьайолчу мигрантийн тобанашкара нах, масала, Нохчийчуьра а, ОвхIанистанера а схьабевлларш", - аьллачу Курцан дешнаш далийна "Франс-пресс" агенталло.
Оцу контекстехь канцлера охьаягарйина цIеяьхначу къаьмнаша йохьу проблемаш, "жамI дан маггане а мегар дац" аьлла, тIе а тухуш.
Политико бахарехь, дукха хьолахь, проблемаш Iиттало немцойн мотт Iаморца а, иштта " мухIажирш Европана шайн ламасташ а, шайн дин а дIакхачо гIертарца а".
Цара а антисемитизм кхуллу, цуьнца къийсам латто а беза аьлла, дIахьедина Курца. Оцу билгалдаьхначу бахьанаша интеграци ярехь йоккха проблема гIаттайо, мухIажирийн терахь мел кхуьу шор а луш, аьлла чIагIдо канцлеро.
Югославера а, Германера а, Малхбалерчу Европера а чуоьхучу мигранташа, Курца бахарехь, кIезиг проблемаш йохьу.