Новости за 06.07.2018

Нохчийн а, овхIанхойн а мухIажирш антисемитан дог-ойла яржорна бехкебина Австрин канцлеро Курц Себастьяна. "Европера баьхкинчу мухIажирел а хала дIаоь бухарчу къаьмнех цхьайолчу мигрантийн тобанашкара нах, масала, Нохчийчуьра а, ОвхIанистанера а схьабевлларш", - аьллачу Курцан дешнаш далийна "Франс-пресс" агенталло. Оцу контекстехь канцлера охьаягарйина цIеяьхначу къаьмнаша йохьу проблемаш, "жамI дан маггане а мегар дац" аьлла, тIе а тухуш. Политико бахарехь, дукха хьолахь, проблемаш Iиттало немцойн мотт Iаморца а... Читать дальше...

Наркотикашца уьйр ю аьлла, лаьцна латточу бакъонашларъярхочун Титиев Аюбан адвокаташа Дубровина Маринас а, Заикин Петра а апелляци кховдийна Оьрсийчоьнан Лакхарчу кхеле Нохчийчуьрчу Лакхарчу кхело тIеэцначу шина сацамна дуьхьал. Маршо Радионо ма - яздарра, кхело кху беттан 25-чу кхаччалц Титиев чохь сацош сацамбира, цул совнах, дуьхьало йина довхаттар кхечу регионехь хилийта. "Мемориалан" Соьлжа-ГIаларчу офисан куьйгалхо Титиев лецира кху шеран Дечкен-баттахь. Цуьнан белхан накъостий тешна бу, долийна гIуллакх бух боцуш хиларх. Читать дальше...

Еаридийнахь хинан биргIанаш лилхинчул тIаьхьа Несарарчу беа урамера нах хи доцуш бисина, хаамбо мехкан Iедалхоша. Несаран мэро Тумгоев Алихана кхайкхамбина бахархошка, собаре хиларе доьхуш, яздо "Интерфаксо". ПIераскандийнахь а хинан проблема ерзийна аьлла, бина хаам бац я мэрин, я орцан министраллан сайташкахь. Маршо Радионо яздира, социалан машанашкахь ГIалгIайчоьнан бахархоша шаьш хица хьоьгучу баланах даржорах. Цара чIагIдарца, тIаьххьарчу 20 шерашкахь хIора аьхка хинан къоьлла лан дезаш хуьлу уьш. Читать дальше...

Еарийдийнахь Москох Тверан кIоштан кхело 100 эзар сом гIуда тоьхна "Маьрша Европа/Маршо Радиона" Оьрсийчоьнан юстицин министраллан сацамна тIекарло еш – "арахьарчу агентан хьесапехь болх бечу Iедалх йоцчу организацино Iедалан урхаллашка финансех йолу информаци цаяларна" (Оьрсийчоьнан административан бакъонаш талхорах йолчу кодексан 19.7.5-2 артикл). Кхело сацамбечу юкъанна, "Маьрша Европа/Маршо Радион" юристо довзийтина ма-хиллара, корпорацин аьтто бацара дуьйцу документаш тIедожийначу хенахь чудала ... Читать дальше...

Кху беттан 16-чохь Хельсинкехь Оьрсийчоьнан президентца Путин Владимирца цхьанакхета кийча ву ша аьлла, дIахьедина Iамеркан Цхьанатоьхначу Штатийн президенто Трамп Доналда. France Press агенталло билгалдаккхарца, Iамеркан журналисташа, кийчу хир вуй Трамп, Путин КГБ-н белхахо ма ву, бохуш ечу критикана жоп луш, дIахаийтина Iамеркан президенто ша кийча хиларх. Bloomberg агенталло чIагIдарехь, Трампа а, Путина а дийцаредийр ду Шемара гIажаройн эскарш ара а даьхна, церан метта Димашкъана агIо латто эскар чудалорах. Читать дальше...

Британин Iедалхой сихонца кхеташоне ховшийра юха а "Новичок" дIовш чугудаларо. БIеннаш детективаш бу толлуш. Чоьхьарчу гIуллакхийн министрна хетарехь, хьалха а санна, дезинформаци яржош еха Кремл. Оьрсийчоьно ша цхьана а кепара яц инцидентан декъахь, боху.

Оьрсийчохь футболан дуьненан чемпионат йолаелчхьана Булгаков Михаилан книгаш дIаэцар 30 проценте лакхадаьлла. Къаьсттина мехала яьлла яздархочун "Мастер а, Маргарита а" роман. "Керланаш" агенталло далийна и терахьаш, "Москохан киншкийн ЦIа" туьканийн машанийн куьйгалхочо Михайлова Надеждас аларца. Цо бахарехь, къаьсттина дIаоьцуш ю ингалсан, испанхойн, немцойн, италхойн меттанашка гочйина произведенеш. Иштта тIехдика йохкало Пушкинан "Евгений Онегин", Толстойн "Анна Каренина", Достоевскийн "Идиот", Пастернакан "Доктор Живаго" а. Читать дальше...

Бакъо йоцуш герз эцна, дIадиллина латторна кхеле хIоттийна Нохчийчуьра кхо вахархо. Грозненск кIоштан прокуратурано материалаш теллинчул тIаьхьа гIуллакх кхи дIа листа кхелахошка дIахьажийна. Полисхоша оперативан барамаш дIахьочу заманчохь гучудаьлла, оцу кегийрхоша низамаш хьоьшуш, тапчанаш а, кхиболу тIеман гIирсаш а латтош хиллийла.

Наркотикаш лелош хилла аьлла, бехкевинчу Соьлжа-ГIаларчу "Мемориал" центран куьйгалхочун Титиев Аюбан гIуллакх листар кхечу регионехь хилийта дуьхьало йина Нохчийчуьрчу Лакхарчу кхело. "Мемориал" организацино бина и хаам. Титиевн адвокаташ оцу махкахь бехаш цахиларца бакъонашларъярхо Iалашвечу Новиков Ильяс динера цу кепара дехар. Цул совнах, мехкан Iедалхоша кхелан системан векалшна тIеIаткъам бина хиларх а шайн болу кхерамаш дIахоуьйтура юристаша. Адвокаташа Титиевн довхатта билгалъяьхначу меттигашлахь яра Москохара ши кхел. Читать дальше...