Герз а доккхуш, Соьлж-ГIалара ши вахархо лаьцна Москох
![Герз а доккхуш, Соьлж-ГIалара ши вахархо лаьцна Москох](https://gdb.rferl.org/CFFBA6FC-C9C7-4AA8-8634-0F64F82D6C0C_cx7_cy13_cw93_w800_h450.jpg)
Герз а доккхуш, Нохчийчуьра ши вахархо лаьцна Москох. "Москва" агенталло бинчу хаамца, и инцидент хилла кхаарин дийнахь Таганскийн кIоштахь. Некъан йистехь лаьттачу BMW X5 машенна тIебахна хилла полисхой. ЦIеххьана цу чуьра араиккхина къайлавала гIоьртина ши стаг. Оццу хенахь дIахаьхкина къайлаяьлла и шиъ чохь хилла машен.
Полисхойх вада гIоьртинчу шиннах цхьаммо тапча а, урс а охьакхоьссина полисхошна а гуш. Цу шинан кехаташ теллича гучудаьлларг ду и шиъ 37 а, 31 а шераш долу Соьлж-ГIалара вахархо хилар. Цу шинан цIерш юьйцуш яц. Полицино лоьхуш бу царца хилла машенахь къайлабевлларш.