Кадыровс а, Евкуровс а дозанаш къастор низамашкахь ду аьлла, дIакхайкхийна Конституцин кхело

Нохчийчоьнан а, ГIалгIайчоьнан а дозанаш къастош бинчу бертах Оьрсийчоьнан Конституцин кхелахоша шайн сацам бовзийтина аьлла, хаамбина "Кавказ.Реалии" порталан корреспонденто. Бакъонан бух тIехь дара аьлла кхелахоша, мехкан куьйгалхочун Евкуров Юнус-Бекан Конституцин кхеле валар а.


Иштта кхело динчу хьесапца, шина республикана юкъахь дозанаш къастор тIеэца догIуш ду массо а Оьрсийчоьнан субъекташкарчу Iедалан органаша. Цул совнах, билгалдоккху кхелахоша, шайн сацам тIаьххьара а бу, кхи дIа латкъамашка баккха йиш йолуш а бац аьлла.


Маршо Радионо ма яздарра, шина регионан куьйгалхоша Евкуров Юнус-Бека а, Кадыров Рамзана а ГIадужу-баттахь куьйгашяздира дозанаш къасточу бертан.