Нохчийчуьра зIакардаьхний чукхачо духьал ю Беларуси

ЗIакардаьхнийн Ньюкаслан лазар даржарца доьзна кху беттан 17-чохь дуьйна Беларусе Нохчийчуьра котамаш кхехьар сацийна, хаамбо пачхьалкхан юьртбахаман продукцин министралло. Нохчийчохь и лазар котамашна кхетта меттиг хаабелла аьлла, дуьненаюкъарчу  эпизоотикан бюрон информацин бух тIехь тIеэцна бу и сацам аьлла, билгалдаьккхина дIахьедарехь.


"Оцу бахьанашца, Ньюкаслан вирус Беларусехь дIаса ца яржийтархьама, дахначу кхааридийнахь дуьйна дозанаш тоьхна Нохчийчуьра чукхачочу зIакардаьхнешна", - аьлла бу бина хаам. Ишта дихкина зIакардаьхнийн месаш а, пелагаш а, котамийн даар а чудан.