Новости за 18.04.2019

Перевозчиков Валерий  "Хьаштйоцу хьукматашца" доьзна, жоьпе ийзабо юкъараллийн лидерш, экологаш, журналисташ  "Хьаштйоцчу хьукматийн болх лелор" цIе йолчу низамца жоьпе ийзо болийна нах. Оьрсийчохь оцу артикло карарчу ханна сингаттам баьккхинчу кхааннах кхуьй а ву Краснодар-махкара. Деношкахь гIуда тоьхна йисина Iечу зудчунна, "Йиллина Оьрсийчоь" боламехь координатор лаьттинчу Антонова Янина. Дуьххьара "хьашт йоцчу хьукматийн болх лелорна" гIуда текхира "Къилбаседа Кавказан экологин ха" юкъаралло. Читать дальше...

ЗIакардаьхний Нохчийчоьно Беларусе кхачош дац аьлла, дIахьедина Россельхознадзоран куьйгалхочун гIовса Хасуев Хожа-Ахьмада. Нохчийчуьра котамаш  Беларусе йохьуьйтуш яц аьлла, яржинчу информацех Хасуевс йинчу комментарех яздо  "Грозный-информ" агенталло. "Цхьана а кепара зIакардаьхний а, йа церан жижиг а Беларуси дохьуьйтуш дац. Юьртабахаман продукци дозанал а арайоккхуьйтуш, кехаташна куьйгашъязден организаци ю тхайниг. Амма тIаьххьарчу 15 шерачохь Беларуси зIакардаьхнийн экспорт оха йина яц", - аьлла хьаькамо агенталле. Читать дальше...

Мехкадаьттанна а, мехкадаьттан сурсаташна а Украине экспорт яр сацош ду Оьрсийчоьно. Министрийн кабинетан декъашхошца хиллачу цхьанакхетарехь дина цунах дIахьедар еаридийнахь оьрсийн премьер-министро Медведев Дмитрийс. Мангал-беттан 1-чу дийнахь дуьйна цхьа къаьстина бакъо хилча бен аьтто хир бац уьш Украине уьш яхьийта, дуьйцу "Новости" агенталло. Цул совнах, Медведевс аларехь, Киевс лелочу гамонна дуьхьал Украино Оьрсийчу кхоьхьу кхийолу сурсаташ а совцо тарло. Машенаш ечу гIирсан, индустрин... Читать дальше...

Карарчу шарахь уггар таро йолчу нехан тептар зорбане даьккхина Iамеркан Time журнало. Бу царлахь политикаш, артисташ, Iилманчаш, журналан белхахошна хетарехь, цара тIеIаткъам бийр кху шарахь дуьненна. Time журналан редакцино кеп-кепарчу юкъараллан дахарерчу сферан пхеа тобане бекъкна шаьш вовшахтоьхна нах: "Пионераш", "Артисташ", "Лидерш", "Иконаш", "Титанаш" цIерашца. "Лидершлахь" ву Iамеркан президент Трамп Дональд, палатан векалийн спикер Пелоси Нэнси а, ишта шведийн дешархо Тунберг Грета а. Читать дальше...

Омарова Саида ХIинжа-ГIаларчу мачийн пхьеро дуьйцу харц-брендех, полици уьш Iорайохуш леларх, мачаш ярца нах хене бийларх лаьцна Дагестанехь ен мачаш яьржа гонахарчу мехкашкахула, Оьрсийчухула. Амма сиха бац уьш юхку нах царна тIе "made in Dagestan" яздан. Дукха хьолехь доьшийла ду, Туркойчохь я Италехь йина аьлла – мачаш лелочарна товриг ду иза! Деношкахь "Италера" мачаш ечу ХIинжа-ГIаларчу пхьерийн хIусамашкахула чекхъелира полици, цундела кху деношкахь контрафактца боьзна коьрталазам бу пхьерашкахь. Читать дальше...

Иттаннаш шерашкахь лаьттинчу конфликташа а, махкахь иккхинчу йочанийн йокъалла а тоъал рицкъ гулдан ца битина овхIанхой. ХIора дийнахь мацаллица къийсалучу Кабулан бахархошка дIахьедар дира деношкахь Маьрша ОвхIанистано/ Маршо Радионо.

Дуьненаюкъарчу бакъонашларъяран  "Доза доцу репортераш" организацино хIора шарахь а санна зорбане яьккхина шайн дуьненахь дешан маьршо хьешарх рапорт. Цара хIоттийначу рейтингца а догIуш, дуьненчуьрчу 180 пачхьалкхашлахь 149-чу могIарехь ю Оьрсийчоь. Цигахь маьршачу зорбанийн ситуаци чолхе ю аьлла, билгалдаьккхина бакъонашларъярхоша. Стохка 148-чу меттигехь яра Оьрсийчоь. "Доза доцчу репортераша" билгалдаккхарехь, Оьрсийчохь лелочу харцонашлахь хьахийна нах лецарш, хIусамех хьийсарш, йозуш йоцчу хаамийн гIирсашна а... Читать дальше...

Португалин Мадейра гIайри тIехь туристийн автобус чуьра мел лахара а 29 стаг велла, 27 -нна гергга чевнаш йина. Португалин президенто Ребелу де Соуза Марселус динчу дIахьедарца, белла туристаш Германин бахархой бу берш, дуьйцу  DW хьостано. Орцанхойн ирформацица, некъан бохам хилла кхаарин суьйранна Канису олучу меттигехь.  50 гергга туристаш буьгучу автобусан урхалла дечун дIавоьрзучу заманчохь аьтто боьхна, некъа тIера а йирзина, нах бехачу цIийнан тхов тIе йоьжна автобус. ГIалин Iедалхойн хаамашца... Читать дальше...

"Исламан пачхьалкх" шех олучу тобанхойн могIарш дузуш хилла цо аьлла, шеконашца Нохчийчуьра вахархо лаьцна аьлла, хааме даьккхина Кхарачойн-Чергазийчоьнан къайлахчу сервисаша. Меттигера вахархо Шема ваха ира-кара хIоттийна хилла цо аьлла, Iорадаьккхина кхарачойн дозанхоша. "Кхарачойн-Чергазийчоьнан ФСБ-н дозанхойн урхаллана гучудаьлла дуьнено террорхойн лоручу организаци юкъаваха марздеш хилар Нохчийчуьрчу вахархочунна лаьцначо", - яздо "Интерфакс-Юг" хьостано. Нохчийчоьнан Талламан Комитето бехкзуламан гIуллакх долийна цунна дуьхьал... Читать дальше...

1990-чу шерашкахь нохчаша ГIалгIайчоьнна 84, 5 эзар гектар хиллачу Нохч-ГIалгIайчоьнан Сунжан, Малгобекан а кIоштийн латтанаш дIаделлера аьлла, дIахьедина нохчийн парламентан куьйгалхочо Даудов Мохьмада. Республикерчу чоьхьарчу гIуллакхийн министраллан белхахошна хьалха вистхуьлуш хьахийна спикеро ГIалгIайчоьнна а, Нохчийчоьнна а юкъара административан дозанаш къасторах. ГIалгIайчоьнан хиллачу президенте Аушев Руслане кхайкхамбина Даудовс, нохчийн латтанаш дIаделла хилар тIе а чIагIдай, шина халкъана юкъахь бартбе аьлла. Читать дальше...

Уггар цомгуш а, могуш а нах чохь беха Оьрсийчоьнан регионаш билгалъяьхна Росстато, шаьш бинчу талламашца. ДIа ца йолу цамгар токху бахархой дукха хиларца хIоттийначу рейтингехь лидер ю Кировн кIошт (37%). ШолгIачу меттигехь дIатаръелла Орловн кIошт (37, 1 %), цунна тIаьхьа ю Белгородскан (36, 5%), Архангельскан (36, 4%), Псковн (35, 9 %) кIошташ. Уггар а могуш нах бехачу регионашлахь хьалхара ю Нохчийчоь. Цигахь хаттам бинчу 95 процент респонденташа дийцина, цайоьрзу цамгарш кхетта дац шаьш аьлла. Читать дальше...

ЗIакардаьхнийн Ньюкаслан лазар даржарца доьзна кху беттан 17-чохь дуьйна Беларусе Нохчийчуьра котамаш кхехьар сацийна, хаамбо пачхьалкхан юьртбахаман продукцин министралло. Нохчийчохь и лазар котамашна кхетта меттиг хаабелла аьлла, дуьненаюкъарчу  эпизоотикан бюрон информацин бух тIехь тIеэцна бу и сацам аьлла, билгалдаьккхина дIахьедарехь. "Оцу бахьанашца, Ньюкаслан вирус Беларусехь дIаса ца яржийтархьама, дахначу кхааридийнахь дуьйна дозанаш тоьхна Нохчийчуьра чукхачочу зIакардаьхнешна", - аьлла бу бина хаам. Читать дальше...