Новости за 29.12.2018

ХIусамаш эца лучу ахчанца йоьзна харцо лелорна шина полисхочунна хан тоьхна арахь яккха ГIалгIайчуьрчу кхело. Цу шиннах цхьаммо кехаташ кечдеш шена тIеяздина хилла шен доцу пхи бер. Цу кепара цунна елла хилла 3 миллион сом мах болу петар. ШолагIчо хьулдина шен зудчуьнан долахь петар хилар. Цу кепара цунна делла хилла хIусам эца 2миллин 500 эзар сом. Шина полисхочунна хан тоьхна арахь яккха, цхьнна 4 шо, вукхунна 3 шо, хаам бо ГIалгIачуьрчу Талламан комитетан урхаллан зорбанан сервисо.

Иркутскан кIоштан прокуратуро бехктакхаман гIуллакх долийна бенан чохь йижина Iуьллу ча ер бахьана долуш. Цуьнан бахьана ду интернетехь яьржина видео. Цу тIехь меттигера губернатор Левченко Сергей ву чен бенан чу топ етташ, цу чохь дIайижина ча а йолуш. Инарлан прокуратуран сайта тIехь хаам бу, низамашца доцу таллар динарш "муьлш бу ца хуу нах" бу аьлла. Царна юкъахь Левченко хилла бохург толлуш ду шаьш боху прокуратурехь. Ша Левченкос чIагIдо, низамаш лардон органашна ша цхьа а низам дохош дина хIума ца карийна бохуш. Читать дальше...

Оьрсийчохь ТIеман-Гуьржийн некъа тIехь Гуьржийчоьнца доза хадочу меттехь сецна лаьтташ ю 1000 сов машен. Уьш рагI ларйеш ю доза хадо. Кху беттан 26-чохь ЖаIаран ламанан дукъ дIакъовлар бахьана долуш цигахь гулйеллера 335 йоккха а, 630 жима а машен. Цунах лаьцна хаам бина Оьрсийчоьнан орцаллан министралло (МЧС). Дийцарехь, жимачу машенашкахь дукхаха берш бу Керлачу Шарца доьзначу мукъаденошкахь садаIа Оьрсийчуьра цIабоьлхуш болу Эрмалойчоьнан бахархой. ХенахIоттаман говзанчаша хаам бина гергарчу... Читать дальше...

Полшин Iедалша Оьрсийчу цIахьажош ву шайн махкахь политикан тховкIело йоьхуш волу блогер Абдурахманов Тумсо. Иза хиларна саготту ву ша блогер. "Валар гIоле ду, церан къизаллаш ловчул", - аьлла дIахьедар дира цо "Настоящее время" телеканалана интервью луш. Абдурахмановн хаттарах политика ян оьшуш дац аьлла хеташ ву Нохчийчоьнан къоман политикехула а, арахьарчу уьйрашкахула а, зорбанан а, хаамийн а министр Умаров Джамболат. "Эхо Москвы" радион эфирехь вистхуьлуш цо дIахьедар дира Абдурахмановна Нохчийчу депортаци яхь цхьа а "ницкъ барш а... Читать дальше...

ББС-н (British Broadcasting Corporation) Оьрсийн сервисан сайта тIехь видеошна юкъахь уггаре а дукха нах хьажнарг ю нохчийн вежарех ДулатовгIерах лаьцнарг. Цуьнан цIе ю "Топ-модель по-чеченски: как братья Дулатовы покоряют мировые подиумы" (Нохчашкахула топ модел: дуьненера подиумаш муха дIалоцу вежарша ДулатовгIара) Вежарий ДулатовгIар -  Джабраил, Сулумбек, Ислам, Тамерлан  - берfш долуш дIабигина дас-нанас Нохчийчуьра. Немцойн Дюссельдорфехь моделан бизнесехь болх беш бу уьш хIинца. Цара цхьаьна... Читать дальше...

Москох "Динамо" хоккейн клубо цхьана шаранна лерина барт бина форвардца (тIелатархочуьнца) Раисов Асланца. Иза ловзур ву цуьнан коьртачу тобанехь. 27 шо долу спортхо вевзаш ву Нохчийчуьра хьалхара хоккеист санна. Раисов вина Нохчийчохь, амма тIом баьлча Москох дIабахана хилла церан доьзал. Цигахь дуьххьара ловза волавелла иза берийн хоккейх. 14 шо долуш РаисовгIара баха хевшина Казанехь. Цу гIалахь "Ак Барс" хоккейн школе лелла Раисов. Москох "Динамо" 12-чу меттехь ю КХЛ олучу Оьрсийчуьра а, Белорусера а... Читать дальше...

Оьрсийчоьнан инарлан прокуроран омраца Нохчийн Республикан прокуроран когаметтаниг хIоттийна юстицин лакхара хьехамча Котов Алексей. Иза вина Ставрополан махкахь 1979-чу шарахь. Прокуратурехь болх беш ву 2003-чу шарахь дуьйна. Котов Нохчийчохь болх беш волу дикка хан ю. Цкъа дуьххьара Соьлжан кIоштан прокуроран когаметтаниг хилла иза, тIаьхьо болх бина Нохчийчоьнан прокуратуран цхьамогIа даржашкахь.

Нохчийчуьрчу школийн куьйгалхошна бераш дIасалело 91 автобус дIаелла республикан куьйгалхочо Кадыров Рамзана, леррина цу Iалашонца вовшатоьхначу гуламехь, хаам бо "Нохчийчоь тахана" сайто. Царна юкъахь ю УАЗ а, ФОРД а, ГАЗель а жима автобусаш а, ткъа иштта КАВЗ а, ПАЗ а автобусаш а. Уьш эцна федералан программехула.  Республикерчу дешаран министраллан векло Муртазов Хаважа хьалхо бинчу хаамца, карарчу хенахь республикехь дешархой дIасалелош ю 2016-чу а, 2017-чу а шерашкахь федералан центро яийтина йолу 130 сов автобус. Читать дальше...