Новости за 15.12.2018

Оьрсийчохь экстремистийн материалашна юкъатоьхна нохчийн вевзаш волчу Iилманчо, политикан говзанчо, яздархочо Авторханов Iабдурахьмана язйина "Кремлан Импери" (Империя Кремля. Советский тип колониализма) книга. Цунах лаьцна хаам бина "Сова" центро. И книга дуьххьара арахецнера Германерчу Гармиш-Партенкирхен гIалахь 1988 шарахь. Советан Пачхьалкхехь (СССР) цунна зорба туьйхира 1990-чу шарахь Вилнюсехь.Ткъа 2001-чу шарахь и болх арахийцира Москох "Дика-М" зорбанан хIусамо. Экстремистийн материалашна... Читать дальше...

Шотдийнахь дуьйна Москох язлуш ю мах боккху машенаш дӀахӀиттайойлаш. ГIалин транспортан департаменто бинчу хаамца, уггаре дукха машенаш лелачу урамашкахь дийнахь машен дIахIотторан мах хир бу 380 сом цхьана сохьтехь, хьалха хиллачу 200 соьман мета. Хийцамаш хьакхалур бу Садовое а, КхоалгIа а го тосучу урамашна юкъахь йолчу территорех. Цигахь машен дIахIоттош мах бала безар бу кIирандийнахь а цхьаьна. Транспортан департаменто чIагIдарехь, цу гIуллакхо мукъайоккхур ю 15-20% машенаш дIахIиттош йолу меттигаш. Читать дальше...

ГIуран-беттан 4-чу дийнахь Соьлж-ГIалахь Шелан кIоштан куьйгалхочо Ибрагимов Турпал-Iелас а, Джалка эвларчу бахархоша а дакъалоцуш некъахьовзам хилла бохуш, социалан машанашкахула даржош дуккха а вочу агIор дуьйцуш къамелаш хиларна, эшам хиллачу агIоно ГIуран-беттан 13-чохь шайга кхайкхинера Нохчийчоьнан куьйгалхочуьнан хьехамча, вевзаш волу динан гIуллакххо Шахидов Адам, хаам бо  шен сайта тIехь "Нохчийчоь тахана" агенталло. Цо яздарехь, цу наха шайн лаам хилар гайтина Нохчийн Республикан куьйгалхочуьнга Кадыров Рамзане а... Читать дальше...

Iамеркан Техас штатерчу Форт-Уэрт гIаларчу федералан суьдхочо Цхьаьнатоьхначу Штатийн Конституцица ца догIуш лаьрра «Обамакэр» цIарца девзаш долу "Лазархой ларбарх а, могашалла ларъян аьтто хиларх а" цIе йолу низам, хаам бо "Iамеркан аз" портало. Цу низамца а догIуш, хIора болх беш волчу Iамеркан вахархочунна, гIуда тохарна кхерам а тосуш, тIедожийнера цомгуш хилахь Iедало гIо дийр долу лоьрийн кехат эцар. Цу кепара Iедал дагахь дара могашалла дика йолчу Iамеркахошкара доккхучу ахчанах цомгуш болчу нахана дарба деш гIо дан. Читать дальше...

ГIура-беттан10-чу буса туька яьхьна хилла Соьлж-ГIалан Старопромыслан кIоштахь. Сихха таллам дIабаьхьначу полицин белхахоша шеко кхоллаелла лаьцна 19 шо долу меттигера вахархо, хаам бо чоьхьарчу гIуллакхийн министраллан Нохчийчуьрчу урхаллан зорбанан сервисо. Полицин декъехь левинчул тIаьхьа цу жимачу стага мукIарло дина къола динарг ша хиларх. Цо бинчу хаамца, ерриг а цу туьканчуьра цо лачкъийна дIаяьхьна хилла 6 телефон. Карарчу хенахь зулам дар буьззинчу барамехь къастош бу талламхой.

Омскерчу номер 6 йолчу колонехь хан токхучу тутмакхаша шаьш Iазап ловш а, хьийзош а ду аьлла, латкъам бина Европан адамийн бакъаонашкахула йолчу кхеле. Верриг а гIо доьхуш ву 15 стаг. Царна юкъахь 4 Нохчийчуьра а, 2 Дагестанера а вахархо ву. Цунах лаьцна хаам бо "Кавказский узело", адвокатана Гончарова Верина тIе а тевжаш. Цо дийцарехь, Страсбургерчу кхеле оццу бахьанашца латкъам бан лууш бу кхин болу чубоьхкина нах а. Адвокато Окушко Татьянас дийцарехь, дукхаха болчу тутмакхаша дехар дина, шайна цIерш ма йовзийтахьара аьлла. Читать дальше...

Страсбургехь герз диттина верриг вийнарг ву 4 стаг. Цунах лаьцна хаам бина Associated Press агенталло, прокурорашна тIе а тевжаш. Хьалхо хаам бинера цу гIаларчу базарахь тIелатар дар бахьана долуш кхелхинарг 3 стаг ву аьлла. ГIура-беттан 14-чу сарахь йовзийтина герз диттинчу дийнахь дуьйна вочу хIолехь дарбанан хIусамехь хиллачу 4-чу веллачуьнан цIе. ПIераскан сарахь Италин прмьер-министро Конти Джузеппес дIахьедар дира, иза шайн махкара журналист Мегалицци Антонио ву аьлла. И  стаг хилла Europhonica​ радион Страсбергера корреспондент. Читать дальше...

Ессентукерчу гIалан кхело низамца догIуш лаьрра "Новая газето" Нохчийчохь 27 стаг вайна аьлла хаам бар бахьана долуш бехктакхаман гIуллакх ца долор. "Талламхочо бина болх низамца а, бух болуш а бу аьлла лаьрра", - дIахьедар дина суьдехь, хаам бо Интерфаксо. 2017-чу шеран аьхка "Новая газето" яздинера оцу шарахь Дечкен-баттахь Нохчийчохь ницкъаллин структураша 27 стаг вийна аьлла. Меттигерчу Iедалша дIахьедар дира, цу материалехь дуьйцург бакъ дац аьлла.