Новости за 06.08.2019

ТIедогIучу дезачу ГIурбан денца а дузуш, Цхьанатоьхначу Iаьрбийн эмираташна (ОАЭ) юкъайогIучу кеп-кпарчу эмиратийн урхалхоша гечдина цхьа эзар сов тутмакхна, хаамбо эмиратан WAM агенталло. Дубайхь набахтера аравоккхур ву тайп-тайпанчу къомах схьаваьлла 430 тутмакх, Шарджехь маьршавоккху 400 стаг. Рас-эль-Хайма эмиратехь набахтера аравер ву кхин а 208 тутмакх, ткъа Аджманехь гечдина 70 тутмакхна. Хьалхо хааме даьккхира, Iийд ал-Адхьан денна лерина ОАЭ-н президенто, шейха  Аль Нахайян Халифа без Заида 669 тутмакхна гечдина аьлла. Читать дальше...

Iайшин куьг дIадаккхарх, Ессентукехь довхаттарх, нохчочун рекордех.

Йозаллаш уьйучу атлетикан дуьненан Чемпионатехь кху шарахь дакъалоцуш йолу пакистанхойх схьаяьлла Iамеркан спортхо бусулбашлахь хьиджаб тиллина дуьххьарлера декъашхо хир ю. Юьхьанца тхэквандохь яра Iабдулла Кулсум, амма тIаьхьо йозаллаш ийба йолаеллачу цо хийцира спортан кеп. 2010-чу шерашкара схьа дуьйна ю хьиджаб лелон спортхо Iабдулла Кулсум олимпикан ловзаршкахь дакъалоцуш. Делахь а спорто новкъарло ца йина цунна лакхара доьшийла чекхъяккха а. Инженеран диплом ду цуьнан, ишта ю иза Iилманийн кандидат а. Читать дальше...

Дмитрий Волчек,                                                                                                        Маршо Радио (оьрсийн сервис) "Еврокадыровхой" Iорабоху нохчийн мухIажирша "Кадыровна Путина магийначу режимах уьдучу нахана, лечкъа а ца лецкъаш, гIодеш нохчийн боламашлахь тхан юкъаралла бен яц", - боху Садулаев Мансура. Цо Швецехь кхоьллинчу VAYFOND-о накъосталла до мухIажиршна, гулйо Кадыровн Iедало идочу нахах информаци, орцахйолу Оьрсийчоьнан лаамца Европера даймахка хьийсочу махкахошна. Читать дальше...

Нохчийчоьнан куьйгалхочо Кадыров Рамзана мукъаденош билгалдаьхна, меттигерчу бахархошна бусулбачийн дезачух Къурбан де даздан, хамбина "Новости" агенталло. "Кху беттан 12-13-чу а денош белхан дац, оцу деношкахь массо а мукъа хир ву гIурбанаш а дойуш", - аьлла, билгалдаьккхина агенталле хаамбинчо. Нохчийчоьнан муфтиятехь Марсхьокху-беттан 11-гIа де къастийна Къурбанаш дайа. Iийд ал-Адхьа, нохчийн маттахь аьлча, гIурбан Iийда - бусалбачийн коьртачех дезде билгалдоккху Макка зиярте бахначеран хьаьж доьрзучу заманчохь.

Хууш ма-хиллара, Кадыров Рамзана, ша Нохчийчоьнан куьйгалле хIоьттичхьана, мехкан Iедалан дарже шен стаг бен хIоттош вац. Цу тIехула хаттар хIоттийнера Маршо Радионо шен сайтехь: Нийса хетий хьуна, Нохчийчохь Кадыровс а, цуьнан гонерчу наха а шайн гергарнаш даржашка хIиттор аьлла.

БуьритIерчу изоляторера Ессентуке дIавигина гIалгIайн протестийн жигархо Барахоев Ахьмад, аьлла хаийтина "Кавказ.Реалии" портале цуьнан йишас Барахоева Лайлаа. Карладоккху, Зазадоккху-беттан 26-чохь Нохчийчоьнца ГIалгIайчоьно дозанаш къасторна дуьхьалбевллачу гIалгIаша митинг хIоттийнера, Евкуровна дарж охьадиллар тIе а дожош. ШолгIачу дийне яьллачу митинган декъашхойн тасадаларш хиллера полисхошца. Iедалан векалшна дуьхьалойина аьлла, бехкзуламан гIуллакх диллира Барахоевна дуьхьал. "Кху беттан 2-чу дийнахь дехьаваьккхина хила иза. Читать дальше...

23 шо хьалха Соьлж-ГIала Кремло дахкийтинчу тIеман дакъойх цIан а йина, нохчийн эскаро маршаяьккхира Нохчийчоь. ТIемалойн декъахь вара хIетахь къамелдеш волу Абубакар а. (Архивера видео, 2016).

Баварин малхбузерчу Мемминген гIаларчу набахтера шен накъостца цхьана ведда гуьржийн тутмакх Бурджанадзе Важа дIалаьцна Германехь. Оршотдийнахь бина цунах хаам немцойн хаамийн гIирсаша, яздо инормацин IPN агенталло. Болчу хаамашца, гIалина 30 километр генахь лаьцна гIаш воьдуш хилла 37 шо долу тутмакх. Цуьнца цхьана веддарг лоьхуш ву полисхоша. Германин полицино даржийна цу шиннан суьрташ, цаьргахь герз хила тарло, ларлуш хила аьлла, бахархошка кхайкхамбеш. Дахначу кIирандийнахь вада аьтто баьлла хилла Бурджанадзе Важан а... Читать дальше...

Лаьмнашкара охьадаьллачу нохчийн эскаро 1996-чу шарахь Соьлж-ГIала а, дIалаьцна лаьтта берриг мохк а Оьрсийчоьнан эскарех мукъабаккхар дагалоцуш ша хIора шарахь а хьош хуьлу барам дIабаьхьина кху деношкахь Францехь "Барт-Маршо" юкъаралло. Алссам машенашкахь гулбеллачу нохчаша а, бухарчу церан доттагIаша а Ичкерин байракхашца дIасахахкалуш дагалацийтира нахе шайн къоман иэс. Iалашонах лаьцна дуьйцу Маршо Радионе юкъараллин куьйгалхочо Сулейманов Джамбулата.

Москварчу клиникан президенто Рошаль Леонида хаамбина, ГIалгIайчуьра 7 шо долу йоI аьтту куьг дIадоккхуш, операци ян кечъеш ю шаьш аьлла. Маршо Радионо яздира, байначу беттан 4-чохь дейишас къизаллица йиттина, чолхечу хьолехь ГIалгIайчуьрчу дарбан цIийне ялорах ворхI шо долу жима йоI. ТIаьхьо кхачо йоллуш дарба лело Москварчу Рошаль Леонидан клинике дIайигинера иза. Москварчу дарбан цIийнехь дIаяьхьначу лоьрийн консилиумо сацамбина, аьтту куьг дIа ца даккхахь, пайден хир дац иза аьлла. "Операцина кийча ю йоI"... Читать дальше...

"Бусулбачийн дозалла" аьлла, цIе тиллина Европерчу маьждигашлахь а доккха лоруш долу маьждиг схьадоьллуш ду Шелахь кху беттан 23-чохь аьлла, хааме даьккхина Нохчийчуьрчу зорбанаша. 20 эзар стагна ламаз дан таро луш маьждиг ду иза. Кадыров Ахьмадан 68 шо кхочучу денна дIатеттина ду маьждиг схьаделлар. Оцу бараме кхайкхина ву 43 пачхьалкхера 150 сов хьаша (муфтийш, хьехамчаш министраш). Ишта маьждиг схьадоьллучу дийнахь ван лерина ву 30 сов Оьрсийчуьра хьаша а – Къилбаседа Кавказан регионашкара муфтийш а... Читать дальше...

Йочанаш бахьанехь тховкIело йоцуш бисинчу Нохчийчуьрчу кIошташкарчу 70 доьзална гIишлошъяран гIирс белла, хIусамаш меттахIитто махкарчу Iедалхоша. Хьалхо яздира. Байначу беттан тIаьххьарчу дийнахь Хьалха-МартантIехь, ТIехьа-МартантIехь а 200 гергга гIишло йохийна, саццаза ихначу догIанаша аьлла. Нохчийчоьнан куьйгалхочун пресс-гIуллакххоша Iорадаккхарца, 70 хIусамна гIишлош меттвхIитто оьшу гIирс дIакхачийна, юхаденйина 7 социалан объект а. "Карарчу муьрехь кIошташкара мехала йолу социалан объекташ дIатойина... Читать дальше...

Цхьана стагана маса лор кхочу хьожуш, Оьрсийчоьнан могушаллин министралло бинчу талламехь хилла жамIаш Iорадаьхна. Уггар дукха лоьраш кхочу цхьана вахархочунна Чукоткехь а, Санкт-Петербургехь а, Къилба ХIирийчохь а. Лоьрийн къоьлла хааелла Курганскан, Псковскан кIошташкахь а, Нохчийчохь а аьлла ду, дахначу шеран динчу зерийн тептарехь.

Нохчийчуьрчу неканчас Закраилов Заура дуьненан рекорд хIоттийна Байкал хIорд тIехь. "Байкал-Daily" хьостано хаамбарца, кху беттан 3-чохь Iуьйранна пхи сахьт даьллачу хенахь Керчан спортан-патриотикан "Слава" клуб вовшахтоьхна Тимошенко Вячеслав а, клубан спортхо Семеняка Евгений а, Нохчийчуьрчу кхузаманан таррашца латарх ловзаран Федерацин куьйгалхо Закраилов Заур а дIаволавелира нека дан Выдрино - Листвянка (45 километр) маршрутехь. Юккъе бевллачу хенахь тобан нека къовсар юкъахдаккха дийзира хенан хIоттам хийцабаларца. Читать дальше...