Новости за 07.08.2019

Билалов МаIаз Нохчо Украинехь хилла цо шен даймахкахь нах бийина бохучу хенахь 33 шо долу Илаев Амхьад лаьцна кхаба магийна Украинерчу Харьковн аппеляцин кхело кху беттан 2-чохь. И де тIехIотталц шен чуьра аравала дихкина вехара иза. Нохчо Оьрсийчоьно бехкево 2009-чу шеран Марсхьокху-беттан 17-чу дийнахь Соьлж-ГIалина уллерчу Первомайски юьртахь пхи стаг вуьйш дакъалаьцна хиларна. Амма Илаевн адвоката чIагIдо, юьйцучу хенахь иза а, цуьнан жимахволу ваша а Укранехь вара, бохуш. ХIинца Илаев... Читать дальше...

Набахтехь ницкъбар, Зеленскийн Путине дIахьедар, даIишхойн гIовттар.

Кхааридийнахь ОвхIанистанан коьртачу шахьарехь Кабулехь полисхойн машенчохь динчу эккхийтарехь чевнаш йина 95 стагна аьлла, хааме даьккхина меттигерчу Iедалхоша. "Талибан" боламо жоьпалла шайна тIелаьцна, тIелетта Iожалхо шайн стаг вара, шаьш гIакх лаьцнарг "керла бIахой дIаоьцу центр" яра аьлла. "Лазийна йа байина дуккха а тIемалой а, полисхой а болчух тера ду", - аьлла ду даржийначу дIахьедарехь. Цкъачунна билггал хууш дац, Кабулан малхбузехь Iуьйранна хиллачу инцидентехь байинарш буй. Дийцарехь... Читать дальше...

Саидов Тимур 1996-чу шеран Марсхьокху-беттан 6-чу дийнахь нохчийн тIемалоша гурашка лецира Соьлж-ГIала, массо тайпа герз карахь лаьтта Оьрсийчоьнан тIеман дакъош. Ичкерин бIаьхоша шаьш цIеххьана болийна "ЖихIад" болам берзийра толамца, ткъа толам тIечIагIбира Хасу-Юьртахь бинчу бертаца. Шатайпа ницкъ бустар, таронаш зер дара бIаьстенан Зазадоккху-баттахь Ичкерин эскар Соьлж-ГIаларчу Кремлан ницкъашна тIелатар. Оцу тIеман барамо довзийтира нохчашна мостагIчуьнгара хьал, аьтто бира мехкан коьрта шахьар муха юхаерзон еза кхета. Читать дальше...

ШИЗО чуьра араваьккхинчу Нохчийчоьнан 35 шо долчу вахархочо Саюпов Рустама мацаллин протест юхаяьккхина аьлла, хаамбина цуьнан нанас Батырова Розас. "Саюпов ШИЗО-ра араваьккхина селхана, амма тахана Екатеринбургерчу цхьахйолчу дарбан хIусаме охьавиллина иза чожна операци ян дезарна", - аьлла, дийцина тутмакхан нанас "Кавказ.Реалии" портале. Ишта кIентан аьтто хилла шен гергарчаьрца зIене вала а. Байначу беттан 26-чохь дуьйна хIума кхалла волавелла иза. Карладоккху, ши тутмакх Саюпов Рустам а, Ленивых... Читать дальше...

Оьрсийчоьнан президенте Путин Владимире телефон а тоьхна, Донбассерчу сепаратисташна тIеIаткъам бар дехна Украинан президенто Зеленский Владимира. Украинхойн  эскаран буьйранчашца кхеташо дIаяьхьначул тIаьхьа ша хаамбина Зеленский хиллачу къамелех. Шинаридийнахь сепаратисташа герзаш диттина виъ украинхойн салти вийча, цIеххьана вовшахтоьхнера Зеленский буьйранчашца цхьанакхетар. "Ас Iуьйранна къамел дина Путинца. Эскархой байарца машаре кхачор дац вай боху ас цуьнга. Ас дехар дина цуьнга, оцу агIонна цхьа тIеIаткъам а бай... Читать дальше...

1944 шарахь депортаци йинчу нохчех а, гIалгIайх а 80 эзар стаг кхаьчна ГIиргIазойчу. Бухарчу къомо гIодина царна Сталина тIейожийначу хало лан а, берраш а ца леш, заманах чекхбовла а. Яздархочо Сулейманов Жолдошбека жайна яздина оцу шерех лаьцна. Цо бовхачу безамца дагалоьцу вайнах, шен дайша цаьрца лелийна гергарлонаш а. Оцу замано дитинчу иэсо кхачийна хилла 1990-чу шерашкахь хьажахIотта ГIиргIазойчу Ичкерин президент Дудаев ЖовхIар а. И дерриг а дагалоьцу Сулейманов Жолдошбека.

Кхи тIе а хан тоха кхерам хIоьттина "Исламан пачхьалкх" шех олучу тобанхойн декъех хилла аьлла, 18 шо хан тоьхначу Къилба ХIирийчуьрчу Пригородный кIоштара схьаваьлалчу Тумгоев Тимурна. "Кавказ.Реалии" портале бина цунах хаам цуьнан йишас Тумгоева Маринас. "ДаIишхошца дина къамелаш тIехь долу телефон тосур ю шаьш, кхи а хьуна хан тохийта аьлла цуьнга", - билгалдаьккхина зудчо. Цо бахарехь, Ростов гIаларчу лоьмар 1 йолчу СИЗО-н администрацино тIеIаткъамбо цунна, иза маж жимъян дуьхьал хиларна. ... Читать дальше...

Ша валале хьалха Iамеркан а, оьрсийн а шансоньес Токарев Виллис илли даьккхина хилла Нохчийчоьнах а, республикан куьйгалхочух Кадыров Рамзанах а. Инстаграмерчу шен пена тIехь зорбане даьккхина илли Нохчийчоьнан зорбан министро Умаров Джамбулата, яздо "URA.RU" хьостано. "ХIара самукъане Нохчийчоьнах а, Кадыров Рамзанах а композици Токаревн хIусамнанас яийтина суна, шен цIийнден дог детталучуьра ма сецци", яздина политико инстаграмехь. Республикан урхалле веачхьана Кадыровн кхиамех ду и илли боху цо. Читать дальше...

"Исламан пачхьалкх" шех олу организаци Иракъехь а, Шемахь а шен къайлаха маша чIагIбан йолаелла аьлла, рапорт арахецна Пентагонан инарла инспекторо Файн Гленна. Цунна хетарехь, 18 эзар стаг вовшахкхетта хила тарло церан гонашкахь.  Ишта Файна дийцарехь, террорхой чIагIбаларан бахьана ду, оцу регионехь Iамеркан Цхьанатоьхначу Штатийн тIеман контингент лахъелла хиларца. "Исламан пачхьалкх" тобанхойн идеологи яьржина, Вашингтонан агIончийн карахь йолчу Шемарчу территори тIерчу Ал-Хол олучу мухIажирийн куьпахь а. Читать дальше...

ГIалгIайчуьрчу къайлахчу сервисаша контртерроран режим (КТО) кхайкхийна Малгобекан кIоштарчу Махьма-гIалахь (Вознесеновское). "Новости" агенталло, регионерчу штабан хаамашна тIе а тевжина, дуьйцу, доза тухуш сацам тIеэцнарг ГIалгIайчуьрчу ФСБ-н куьйгалхо хиларх. Агенталлан ницкъаллийн структурашкарчу хьосташа хаамбарца, герзаш детта буьйлабелла гIаттамхой хаабелла хилла къайлахчу сервисашна. ТIаьхьо дийцадаккхарца, оцу тIеман тасадаларшкахь вийна цхьа гIаттамхо.

Нохчийчуьрчу тIекIелдинчу цIийнан 4-чу гIат тIерчу петаран корах ара а ваьлла, гIишлон пена юкъарчу дукъох тасавелла 8-10 шо долу жима кIант шина стага кIелхьарвоккхуш, социалан машанашкахь яьржинчу видеон хьокъехь талламаш болийна мехкан прокуратурано. "Зен доцуш кIелхьарваьккхинчу оцу кIентан гIуллакх талла долийна. Видео тIехь гуш ду, пена юккъехула араяьллачу турбанах кхозу кIант шина стага, цхьаъ полисхочун барзакъ доьхна ву, кIелхьарвоккхуш", - аьлла, хаамбина инстаграмерчу шайн агIон тIехь прокуратурано. Читать дальше...

Наркотикаш лелор бахьане а диллина, набахте хьажийна хилла нохчийн бакъоларъярхо Титиев Аюб бутт бу маьршаваьлла. "Мемориало", кхин латтон маьIна а ца хилла, дIакъевлина цуьнан Соьлж-ГIалара офис. ХIинца Москох ю цуьнан белхан меттиг. Цо дагалоьцу лелларг-хилларг, къизачу наха Эхарта хьийсийна шен накъостий, Нохчийчуьра Iазап.