Новости за 30.05.2023

Нохчийн адвокат Идалов Тимур Iалашвечийн ницкъ ца тоьъна иза лацар къовса – къайлахчу сервисийн а, чоьхьарчу гIуллакхийн министраллин а белхахоша дIахьедина, террорхойн тобанашца а, нохчийн зуламхошца а цуьнан уьйраш хила тарло аьлла. Шина баттана лаьцна вуьтуш СИЗО хьажийна Идалов, прокурорна кхерамаш тийсарна. ГIуллакхан материалашна йукъатоьхна ФСБ урхаллин куьйгалхочун жоп, цу тIехь боху, Идаловн "шуьйра уьйраш йу кеп-кепарчу дуьненайукъарчу террорхойн йукъараллашца, нохчийн зуламхойн тобанашца а". Читать дальше...

Гезгамашин-баттахь Соьлжа-ГIалахь схьайоьллур йу Москвара Ломоносовн цIарахчу пачхьалкхан университетан филиал.  Цунна оьшу гIирс дIахIоттор бу, хетарехь, Оьрсийчоьнан депутатца Делимханов Адамца йоьзначу "Смарт Билдинг" компанино. Стигалкъекъа-беттан 29-чохь премьер-министро Хучиев Муслима цхьа могIа тIедахкарш дира МГУ-н филиал республикехь схьайеллийта: марсхьокху-бутт тIекхачале "Смарт Билдинго" гIирс а, оргтехника а дIахIоттон йеза, иштта лакхарчу доьшийлан пхи аудитори чохь хинйолчу кампусна йийбар а. Читать дальше...

Боцчу бехкана, йоцу цIе тиллина, даймахкахь гIело йина нохчочунна Мукаев Салманна. Оьрсийчу дIаваларан кхерам болуш, Эрмалойчохь ву иза хIинца. Соьлжа-гIалахь ницкъахоша тоькаца таIзарш дина цунна. Видеокамера латийна, божаршца уьйр йолуш хиларна харц даредайтина цуьнга, мехах лаьцначу хIусаме ЛГБТ-нах кхийла безар бу ахьа баьхна. Цара лачкъийна дIавигначул тIаьхьа, боьхна Мукаевн доьзал: итт шарахь цуьнца Iийна хIусамнана шен цIерачара дIайигна. Республикехь цунна дуьхьала долийна гIуллакх ду, иза федералан лехамашка велла ву. Читать дальше...