Новости за 31.05.2023

Теракт кечйеш хилла аьлла бехкевинчу Нохчийчуьра вахархочун Висаев Аптин хIусамнана Мутаева Iайша кхелан кхеташонера арайаьккхина сацам бовзийтале хьалха. Йукъараллин адвокат санна хьалхайаьлла а йара Мутаева. Иза арайаккхаран бахьана лерина Хабаровскера 1-чу Малхбаленан гонашкара тIеман кхелан суьдхочо Пунтусов Дмитрийс, йоьдучу кхеташонехь цо даьхна хилла суьрташ Мутаевас шен телеграм-канале хIиттор. Шен гIоьнчас шега кхачийначу кехата тIера хиъна суьдхочунна цунах лаьцна. Мутаевас бахарехь, цо суьрташ а, йа видео а йаькхина йац. Читать дальше...

ГIалгIайн пачхьалкхан университетера медицинан факультетера кхоалгIачу курсера 22 студент экзаменаш дIацайелла аьлла 2021-чу шеран лахьанан-баттахь дIавакхарна прокуратуро чуйелла апелляци къобалйина ГIалгIайчоьнан Лакхарчу кхело. Боллу студенташ хьаьккхина дIабаьхнера физиологин патологин курсехула йолу экзамен цара дIайелла цахиларна. Делахь а, пачхьалкхан "Интерфакс" агенталле ГIалгIайчуьра прокуратурин пресс-гIуллакххоша хаамбарца, экзамене уьш битина хиллера кхо де хьалха, амма экзамен хиларх дIахаийтина ца хилла цаьрга. Читать дальше...

Дагестанерчу полицин белхалошна зулам дан гIортарна долийначу гIуллакхехь прокуратуро дийхира тоьхначу хенашна кхин а бархI шо тIетохар. Меттигерчу бахархошна Барзукаев Исламна, Курбанов Гасанна, Мирзалиев Мирзалина. Хьалхо терроризмехь бехкелерина, царна туьйхира 15 шарера 18 шаре кхаччалц йолу хенаш - шайна таIзараш дарах тутмакхаша дIахьедарш динера, церан гергарнаш сих-сиха низамза бехктакхаман гIуллакхашна дуьхьалонца пикеташка арабовлура. Мирзалиевн адвокато Лабинцев Сергейс Кавказ.Реалии корреспонденте дийцира... Читать дальше...