Новости за 08.11.2023

"ГIебарта-Балкхаройчоьнна гIуллакхаш дарна" аьлла, регионан лаккхара совгIат дина Нохчийчоьнан урхалхочун воIана Кадыров Адамна. Мехкан куьйгалхочо Коков Казбека дIакховдийна совгIат. Орден схьаэца Нальчике вахара 15 шо долу Кадыров Нохчийчоьнан цIарах Оьрсийчоьнан парламентехь депутат волчу Делимханов Адамца цхьаьана. Хьалхо зорбанашкахь йаздора, ГIебарта-Балкхаройчоьнан Iедалхой дуьхьал хиларх Кадыровн кIантана совгIат дан. Шайн телеграм-каналашкахь Кадыров Рамзана а, Коков Казбека а хаамбина совгIат дарх лаьцна. Читать дальше...

Москван Южное Бутово кIоштара бахархой дуьхьал бевлла Нохчийчоьнан куьйгалхочун ден Кадыров Ахьмадан цIе тиллинчу урамехь маьждиг дайта. Iедалхоша чIагIдо, цкъачунна и хьаладан дагахь дац бохуш. Хьалхо Кадыров Рамзана дIахьедира, цигахь маьждиг дайта реза хилла Оьрсийчоьнан президент Путин Владимир аьлла. "Осторожно, Москва" телеграм-каналан хаамашца, меттигера бахархоша сагатдо, царна хетарехь, Южное Бутовехь маьждиг дахь машенийн раьгIнаш лаьттар йу цигахь. КIоштахь метро бен йац, транспортан маша хIинцале а буьзна бу. Читать дальше...