Новости за 28.11.2023

Волгоградера маьждигна хьалха КъорIан дагийча гIаттийначу гIуллакхехула шаьш волайнхой ду аьлла, дIакхайкхийначу меттигерчу пхеа имаме хеттарш дина Нохчийчуьра кхело. Цара дIахьедина, Журавель Никитас лелийначо "массо а бусалбанийн дог-ойланаш сийсазйина". Хьалхо республике дIакхачийна 19 шо долу Волгоградера вахархо политикан тутмакх лерира "Мемориало". ТIаьххьарчу кхеташонехь хеттарш динчара хаамбира, Журавеля динчо шайн сина зен дина, йаздо пачхьалкхан ТАСС агенталло. "Массо а бусалбашна хIара магийта йиш йоцург ду. Читать дальше...

ХIора шарахь иттанашкахь зударий уьду Къилбаседа Кавказера доьзалехь йечу гIелонех. Кавказехь зударшна тIехь ницкъбаран бахьанаш хуьлу дукха хьолехь «Iадаташ ца лардар». Иза билгалдаьккхира 2022-чу шарахь Европан Кхеташонан парламентан ассамлейхь а. Цигахь билгалдаьккхира, Къилбаседа Кавказехь тIьаьхьабуьйлу федералан Iедалхоша а, низамашлардаран органаша а терго ца йарна а.

ГIалгIайчохь ницкъбинчул тIаьхьа кхелхинчу 4 шо долчу Муцольгова Самирин бехктакхаман гIуллакхан материалашна тIе ца кхачийтарна бина латкъам Москвара Басманан кхело тергамза буьту аьлла, дIахьедина адвокато Беков Мохьмада. "Фортанга" хьастана йеллачу комментарихь Бековс дийцина, ша марсхьокху-баттахь чуделла арз форамалехь болчу бухца йухатеттина – цуьнца цхьаьна ордер йацара аьлла. Бековс чIагIдо, ордер талламхочуьнгахь йу гIуллакхан материлашна йукъа йахийтина, документан номер а йоккхура цо. Читать дальше...

Францхойн историн хьехархо Пати Самюэль веран гIуллакхехула Парижехь кхелан процесс йолийна шеконехь хиллачу йалх кхиазхочунна тIехь. 2020-чу шарахь нохчочо Анзоров IабдуллахIа вийра Пати Самюэль. Боллу кхиазхой, Патис хьоьхуш хиллачу оцу колледжан дешархой бу. Къевлинчу рожехь дIахьур йолуш йу кхел, таIзаре хIиттийначийн цIераш йохуш йац, хIунда аьлча, уьш берриш а берхIийтта шаре бовланза хиларна, хаамбина "Новая газета. Европа" хьасто Reuters гIирсана тIетевжина. Къаьстина, бехкбуьллучийн  версица... Читать дальше...