Ток тоьхна дешархо вийна Нохчийчохь
Кавказ.Реалиин хьастано дийцарехь, вада араваьлла волу Бекмурзаев Мурад тоькан серийн аьчка богIамна тIеваьлла хилла, сурт даккхийта дагахь. Цу тIера охьавуссуш кIентан ког хьакхабелла лекхачу вольтийн ток лелачу серах. И бахьана долу вуно чIогIа вагийна иза велла оццу меттехь.
Цуьнца цхьаьна социалан машанашкахь цIе ца йоккхучу авторша яздо, Мурад велла бохуш, Соьлж-ГIаларчу 54-чу школехь ницкъаллин сруктурийн белхахошца дов даьллачул тIаьхьа, полицехь хьийзор бахьана долуш. Цара бохург тидаме эцча, Соьлж-ГIала иза вахана хилла ОГЭ экзамен дIаяла.
Хьалха-Мартанан номер 5 йолчу гимназин директоро Гучигов Ризвана харц бо и хаам. 54-чу школехь дар-дацар хуьлуш Мурадан цхьа а экзамен ца хилар, билгалдоккху цо. Цул сов, кхелхинарг ву 11-класс чекхяьккхина, ткъа ОГЭ экзаменах чекхбовлу дешархой 9-чу классехь, тидам тIебохуьйту Гучиговс.
Директоро дийцарехь, Хьалха-МартантIера дешархой наггахь а бен ца боьлху экзаменаш дIаяла кхечу кIошташка. Цу тайпаниг цкъа бен хилла дац. Иза дара маситта дешархо Соьлж-ГIала ингалс меттан барта экзамен дIаяла вахча.