Керла гидроэлектростанци еш ю Панкисехь
"ГЭС хьалаян бакъо каракхаьчна тхан, карабогIучу баттахь белхаш дIаболор бу оха", - аьлла директоро. Меттигера бахархой "Хадори -3" ярх дийцаредаьккхича санна меттигера бахархой протесташка бевр бу аьлла хетий хьуна хаьттича, Иорданашвилис дIахьедина, "цхьайолчу Iедалхошца йоьзна йоцчу организацешкара дуьхьалонаш хила тарло", амма ГЭС ярташна генахь еш хиларна, "меттигерчу бахархошна цунах новкъарло хир яц" аьлла компанин директоро.
Ши бутт хьалха Панкисерчу Биркиани юьртахь "Ходори-3" станци юьллу аьлла долийра Iедало. Гуламашка бевлира дуьхьалончаш. Уьш кхоьрура станцино шайн Iаламна зен дарх, хи доцуш йисарх Дуиси, Биркиани.