Нурмагомедов летар вац Макгрегорх 100 миллион долларх
UFC чемпион Нурмагомедов Хьабиб реза ца хилла Макгрегор Конорца лата СаIудийн пачхьалкхерчу хьоладайша шена 100 миллион доллар даларх, хаам бо Sport24 сайто. Нурмагомедовс билгалдаьккхина, ша дагахь ца хилар ирландхочух лата.
"ХIунда оьшуш ду 100 миллион доллар, юха а цунна етта?", - риторикан хаттар делла Дагестанера латархочо.
Нурмагомедовна 200 миллион доллар лур ду шаьш, аьлла дIахьедар динер саIудхоша, нагахь иза Мейвезор Флойдах а, Макгрегор Конорх а лата реза хилахь. ХIора латарх спортхочун 100 миллион доллар дала кийча бу СаIудера миллиардераш. СаIудхойн коьрта билламех цхьаъ бу и ши тасадалар Эр-Риядехь дIадахьар.
Хьалхо Дагестанерчу спортхочун да а, тренер а волчу Нурмагомедов Iабдулманапа дIахьединера, Хьабиб Макгрегорх лата кийча ву шена 100 миллион доллар лахь аьлла.