Новости за 04.02.2020

Кадыровс бохучух теша талламхой, Кортош даша омра ца динера, Боксёро Хатаевс жоп делла (Керланаш кечдеш иллюстрацина пайдаоьцу Маршо Радион архивех а, официалан сайташкарчу материалех а).

UFC чемпион Нурмагомедов Хьабиб реза ца хилла Макгрегор Конорца лата СаIудийн пачхьалкхерчу хьоладайша шена 100 миллион доллар даларх, хаам бо Sport24 сайто. Нурмагомедовс билгалдаьккхина, ша дагахь ца хилар ирландхочух лата. "ХIунда оьшуш ду 100 миллион доллар, юха а цунна етта?", - риторикан хаттар делла Дагестанера латархочо. Нурмагомедовна 200 миллион доллар лур ду шаьш, аьлла дIахьедар динер саIудхоша, нагахь иза Мейвезор Флойдах а, Макгрегор Конорх а лата реза хилахь. ХIора латарх спортхочун... Читать дальше...

Шелан кIоштан администрацин куьйгалхочо Ибрагимов Турпал-Iелас ша санна корта дIа ца баьшна аьлла белхахо дIаваьккхина болхург харц дина цуьнан гIовс волчу Дадуев Лом-Iелас. "Комсосольская правда" газетана еллачу комментарехь Ибрагимовс шена пес лело иштта атта хиларна корта дIабаьшна хилар бакъдина цо. Амма администрацин белхахошна кортош дашар тIе ца дожийнера кIоштан куьйгалхочо, аьлла Дадуевс.    Шелан кIоштан куьйгалхочо Ибрагимов Турпал-Iела балха веана дIадаханчу еарин дийнахь, коьрта а баьшна... Читать дальше...

Нохчийчоьнан куьйгалхочо Кадыров Рамзана шен йишин воI, Соьлжа-ГIалин мэр Закриев ИбрахIим векал вина Соьлжа-ГIаларчу кIоштийн, шахьарна юкъайогIучу яртийн цIерш хийца. ХIинццалц «Октябрьский», «Старопромысловский», «Ленинский», «Заводской» хиллачу кIошташна лур ю «майраллица, доьналлица шайх ала диканиг дитинчу нохчийн тоьллачу къонахийн цIерш».

Интервью дIаяьхьнарг Муртазалиева Зараъ Къилба Корейра дуьйна Соьлжа-гIала студенташ деша бахкаран хIун бахьанаш ду къасто хьаьжира "Кавказ.Реалии". Луларчу регионашкара баьхкина студенташ гина ца Iаш, Нохчийчохь дуьхьалкхета тарло кхечу пачхьалкхашкара чубаьхкина дешархой а цхьана. Хьалха хьахийначаьрца дерг кхеташ ду. Масала, ца деза церан оьрсийн мотт Iамо а, я кавказхойн ламасташна тIекхиа гIерта а. Ткъа Корейра веанчу кхаа жимчу стеган кхолламо дуккха а хеттарш а, цакхетамаш а буьту. Ким Гюнгбэ (Адам)... Читать дальше...

Оьрсийчоьнан талламан комитетан Нохчийчуьра урхалла реза ца хилла, бакъонашларъярхочо Каляпин Игора (Комитет против пыток) латкъам барца доьзна, республикан куьйгалхочо Кадыров Рамзана интернетехь шена лийна нах бойур бу алар хьокъехь таллам боло. Зорбанан гIирсашкахь дуккха а дIахьедарш ду, шайна юкъахь Кадыровс ша динарш а долуш, цо аьлларг нийса гочдина ца хиларх лаьцна, аьлла ду цу комитетан сайта тIехь арадаьллачу дIахедарехь.   Хьалхо дуккха а зорбанан гIирсаша яздинера ГIуран-бутт... Читать дальше...

Билалов МаIаз «Къена Мансур» («Мансур Старый») веро кхин цкъа а гойту нохчашна арахьа елла политикан тховкIело чорда юйла Францин къилбаседанерчу Лилль гIаларчу цхьана отелехь байначу беттан 31-чу дийнахь вийна карийна нохчо Алиев Iимран – «Мансур Старый» цIарца вевзаш хилла Белгера политикан мухIажир. Цуьнан зудчо тоьшалла дина вийнарг иза хилар. Таллам бу дIабоьдуш. Алиевн накъосташа дийцарехь, хьалха дуьйна а цунна вевзаш волу Нохчийчуьра хьаша воьссина хилла цунна тIе. И шиъ цхьаьна Белгера Франце вахана «гIуллакхаш листа»... Читать дальше...

Москвахь "Лечанан бен" (Соколиное гнездо) гIишлойн комплексехь шина тIегIан пентхаус эцна Нохчийчоьнан куьйгалхочун Кадыров Рамзанан йиша яханчу республикан вице-премьеро Закриев Салмана. Цуьнан мах бу 1 миллион гергга доллар. И петар ю Iедалхочун хIусамненан цIартIехь, амма Росреестран а, Закриевн бахаман декларацин а хаамаш цхьаьна богIуш бац, яздо Кавказ.Реалиино, pasmi.ru сайтана тIе а тевжаш. Шен тIаьххьарчу декларацехь Закриевс гайтина, шен хIусамненан 167,7 йиъкIов метр майда йолу петар хилар. Читать дальше...

Боксер Кушиташвили Георгий дIалацарна ша декъа ву бохург харцдина нохчийн боксеро Хатаев Имама. Шеца а, Георгийца а цхьа бала бац Кадыров Рамзанан, спортехь кхиамаш Дела пурбанца бохуш ву ша, шена халахета Кушиташвилица иза хилла, яздина Хатаевс Инстаграмехь. Росгвардин эскархочун тохарна лаьцна боксер Кушиташвили Георгий цуьнгара цхьаъ даьккхина леррина бехке вийр волчу хьоле хIоттийна хилла аьлла хета цхьаболчу тренершна а, цуьнан накъосташна а. Церан хьесапехь, иза дина хила мега "Ахмат" спортан клубан декъашхочун... Читать дальше...

Нохчийчохь вийна лоруш волчу 8 дагестанхочух кхоъ, шена а гуш, лачкъийна хиларх лаьцна дийцина кхелехь техстанцин белхахочо. Цу 8 стеган гIуллакх къастош ду Нохчийчоьнан Лаккхарчу кхелехь. Чиллан-беттан 3-хь суьдхой лебан буьйлабелира байинчеран гергара нах а, тешаш а, хаам бо "Кавказский узело", адвокатана Денисенко Сергейна тIе а тевжаш. "Гергарчара дийцира кхелехь Нохчийчохь вийна волу 8 стаг лачкъийна хиларх лаьцна 2016-чу шарахь Гезгмашин-беттан 28-хь а, ГIадужу-беттан 4-хь а.Клычев Клыч... Читать дальше...

Дуьненаюкъара Хьиджабан Де (дIадахана кIиранде) дуьххьара билгалдаьккхина Къилбаседа ХIирийчохь. Лаам болучийн аьтто хилла хIирийн корталеш ган а, шайна тIетехкина довза а, цаьрца суьрташ даха а. Кавказхойн шира корматалла Iалашйинчу зударша барамехь йовзийтина корталеш дуцуш хаа еза къайленаш.

Вевзаш волчу пластикан хирурго Баиев Хьасана операци йина 2 шо долчу йоIан куьйга тIера чкъор меттахIоттош, хаам бо Кавказ.Реалиино. Къилбаседа ХIирийчуьра 8 бутт болу Багаева Малика чохь газ иккхина цIе яларна вуно чIогIа ягийнера 2018-чу шарахь. Хьалхара гIо динера цунна ХIирийчуьрчу лоьраша. Цул тIаьхьа лерринчу кеманца иза дIакхачийнера Москварчу клинике. Цигахь масийтта операци йира берана. Баиевс шен агIор операци йина йоIана аьрру куьйга тIехь чIор меттахIоттош. Цу Iалашонна оьшу могуш долу чIор эцна лоьро дегIа тIера. Читать дальше...

Пейсахова Анна Коррупци, молханийн дефицит, маьхза дан дезарг лоьраша цадар, иштта дIа кхидолу медицинера сакхташ… Кавказехь «Пациентан монитор» цIе йолу юкъаралла схьайиллина кхо шо ду.  Бахархошна пачхьалкхо лучу медицинан аьттонийн терго йо цо. Цуьнан юристаша гIо до бахархошна ГIебарта-Балкхаройчохь, Дагестанехь, ГIалгIайчохь, довзуьйту Iедало дан догIу гIо, накъосталла до нахана медицинах боггIу пайда схьаэца, эшахь кхеле а бовлуш. Низамаша луш йолу таронаш меттигерчу Iедало муха эшайо... Читать дальше...