Дагестанхошна 1,5 миллиард соьмана гIо дина олигархо Керимовс
Дезинфекци ен керла гIирс баийтина Дагестане олигархо, Федерацин Кхеташонан декъашхочо Керимов Сулеймана. Ишта, лоьрашна мел оьшучу гIирсан йоккха парти йохьуш кхин тIе а кема кхочур долуш ду тIедогIучу кIирандийнахь ХIинжа-гIала. Дерриг а сенаторо шен даймахкахь пандемица къийсам латто хьажийна 1,5 миллиард сом.
Дагестанерчу могушапллин министралло хIоттийначу тептарца дIасакхачор ду гIо аьлла, дийцина Дербентан мэран пресс-секретаро Гамзатова Камилас.
Оцу юкъана, коронавирусан инфекци яьллачу нахаца болх бан лоьрашна барзакъ а, бахилаш а, респираторш а, кхинболу медицинан гIирс а хIинцале схьакхаьчна Дагестане.
Ишта Дагестанерчу блогерша а, гIоьналлин фондаша а, юкъараллан организацеша а ахчанаш гулдина коронавирусца къийсам латтон оьшучу гIирсана.