14 стаг велла уьнах, 530 цомгуш хилла Къилбаседа Кавказехь дийнахь-буса
Дийнахь-буса Къилбаседа Кавказехь коронавирусах велла 14 вахархо, 530 цомгуш хилла.
Уьнна дуьхьалоечу Оперативан штабо бечу хаамца, 7 стаг кхелхина Дагестанехь, шишша – Нохчийчохь а, Краснодар-махкахь а, цхьацца велла ГIебарта-Балкхаройчохь а, Ставропол-махкахь а, ГIалгIайчохь а.
Юьхьанца дуьйна схьа Къилбаседа Кавказехь уьнах велла лору 658 стаг.
Уггаре дукха бу дийнахь-буса уьно лецнарш Кхарачой-Чергазийчохь – 97 стаг.
Терахьаш иштта ду цхьана дийнан а, юьхьанца схьа а:
Кхарачой-Чергазийчоь + 97 (2446)
Дагестан + 92 (6837)
Ставропол-мохк + 83 (3928)
ГIебарта-Балкхаройчоь + 77 (4132)
Краснодар-мохк + 71 (5183)
ГIалгIайчоь + 36 (2693)
Къилбаседа ХIирийчоь + 32 (3645)
Адыгей + 26 (1415)
Нохчийчоь + 16 (1529)
Верриг а ун даьржичхьана схьа Къилбаседа Кавказехь, официалан терахьаша бахарехь, цомгуш хилларг ву 31808 стаг.