Къилбаседа Кавказехь уьнах дийнахь-буса велла 14 вахархо; Кадыровс ша ца вахийтина Габуния вен стагга а, амма и журналист гора ца хIоьттича ца волу, боху; Нохчийчуьрчу Мусаевс ДАIИШе ахча хьажийна боху цунна хан тоьхначу кхело
Шена хетарехь Дижонехь хиллачух дуьйцу нохчийн кхиазхочун дас
Коронавирусаца доьзна юкъадаьхна хилла дехкарш малдина Нохчийчохь. Алсам адамаш ду дIасалелаш Соьлж-ГIаларчу урамашкахь. Таксеш ю лелаш, кафеш а, базараш а ю болх беш. ХIинца оьшуш дац цхьанхьа воьдуш кехатан бакъо гайта.
Дийнахь-буса Къилбаседа Кавказехь коронавирусах велла 14 вахархо, 530 цомгуш хилла. Уьнна дуьхьалоечу Оперативан штабо бечу хаамца, 7 стаг кхелхина Дагестанехь, шишша – Нохчийчохь а, Краснодар-махкахь а, цхьацца велла ГIебарта-Балкхаройчохь а, Ставропол-махкахь а, ГIалгIайчохь а. Юьхьанца дуьйна схьа Къилбаседа Кавказехь уьнах велла лору 658 стаг. Уггаре дукха бу дийнахь-буса уьно лецнарш Кхарачой-Чергазийчохь – 97 стаг. Терахьаш иштта ду цхьана дийнан а, юьхьанца схьа а: Кхарачой-Чергазийчоь... Читать дальше...
"Исламан пачхьалкх" олучу экстремистийн тобане ахча хьажорна аьлла бинчу сацамца Ростоврчу тIеман кхело 9 шо хан кхайкхийна Нохчийчуьрчу вахархочунна Мусаев Шемална набахтехь такха, хаам бина Интерфаксо. Талламо бахарехь, Мусаев 2019-чу шеран юьххьехь Германехь хилла, цигахь цо шина стагера а, шегара а ахча делла "Исламан пачхьалкхан" векалшка дIакхачадайта. Хьалхо "Кавказ.Реалиино" яздира дагестанхочунна Гаджиев Шаврина изза бехк Iедало тIебахьарх лаьцна. Иза, цо ша дийцарехь, ХIинжа-ГIалахь лецира, дареш дехира цуьнагара ницкъаша. Читать дальше...
Telegram-каналехула Нохчийчоьнан куьйгалхочо Кадыров Рамзана дIахьедар даржийна ша гуьржийн журналист Габуния Георгий вен Тбилисе вахийтина стаг цигахь лаьцна аьлла баьржинчу хааман хьокъехь. (Стохка, Мангал-беттан 2-чохь "Рустави-2" телеканалехула Оьрсийчоьнан президент сийсазвеш, маьттаза къамел дира оцу журналиста). "Хаамийн гIирсаша, вошашца къийса а къуьйсуш, даржадо Гуьржийчуьрчу ша журналист ву бохучун къамел. Боху, Нохчийчоьнан Iедал иза вен кечделла. Шайн кхолламна дегабаам бинчу нехан туьйранашца сан кIезиг бала бу. Читать дальше...
Полици юкъа а озийна, Францин Iедало совцийна Дижон гIалахь къепе йохийна лела нах. Дов иккхина цигахь меттигерчу нохчийн жимханна йиттинчул тIаьхьа. Нохчийн жигархочо Тимиргириев Мохьмада дийцарехь, нохчашна ца тов шаьш дехачу гIалахь Къилбаседа Африкера схьабеллачу наха наркотикаш лелош а, юхкуш а – оцо зуламо дохадо меттигерчу нехан Iер-дахар.
Стаг вен кечам беш вара аьлла, диллинчу бехкзуламан гIуллакхан гурашкахь ГIалгIайчуьра схьаваьлла 38 шо долу Боков Васамбек лацар тIечIагIдина шинарин дийнахь Гуьржийчоьнан пачхьалкхан кхерамзаллан урхалло (СГБ). "Свобода" Радионо яздо, цкъачунна Боковна дуьхьал даьккхинарг ду: харц документаш кечдар а, царех пайдаэцар а бохуш. Хьалхо дийцира, шо хьалха йоьдучу эфирехь Оьрсийчоьнан президентах лаьцна маьттаза къамел динчу гуьржийн журналистана Боковс кIело кечъеш хилла куц ду бохуш. Карарчу беттан 15-чохь... Читать дальше...
Францехь нохчашна а, Iаьрбийн мехкашкара схьабевллачу наханна а юкъайоьлла гамо шорлуш ю. Кху деношкахь иккхинчу девно гIаттийна Дижон къепедацарех хьалха а ялале, оцу гIаланна ах эзар километр гена йолчу Ниццехь вовшахлетта оццу къаьмнийн векалш – нохчийн а, Iаьрбийн а кегийрхой. Ниццехь дуьххьара нислуш а дац иштта дерг. ХIун ду девнан бахьана, стенна ца тарло вовшашца Францехь баха хевшина арара нах? Оцу хаттарна жоп лоьху Ниццерчу масех нохчочо.
