"Иегован Тешаш" олучу динан тобанера нах бу лоьцуш Къилбаседа Кавказехь
Динан оцу тобанера нах лецарца Ростов-махкал а хьалхаяьлла Ставрополь – цигахь 16 бехктакхаман дов гIаттийна "Иегован Тешашна" дуьхьал.
Оьрсийчохь йихкина йолчу оцу сектин декъашхойх ялх лаьцна Краснодар-махкахь, пхиъ – Волгоград-махкахь, Астраханехь а, Дагестанехь а – виъ-виъ, ГIебарта-Балкхаройчохь а, Кхарачой-Чергазийчохь а – цхьацца.
Оьрсийчоьнан Лакхарчу кхело "Иегован Тешаш" юкъаралла экстремистийн могIара язйина 2017 шарахь. Кхаа шера чохь лецна дуккха а сектанташ.
Оьрсийчоьно "Иегован Тешийн" хьокъехь бина сацам емалбина бакъоларъярхойн цхьаьнакхетараллаша а, керста а, бусалба а нах алссам бехачу дуккха а пачхьалкхо а.