Новости за 25.08.2020

ГIалгIайн Шолж гIалахь, алссам наха дакъа а лоцуш, герзаш а детташ, иккхинчу девнехь лазийна 9 стаг. Дов иккхина ХациевгIеранний, ФерзаулигIеранний доьзалшна юкъахь. Къевсинарг ду кIоштан декъайогIучу ГIажарий-Юьртарчу администрацера дарж. Юкъаметтигаш шина доьзало хьалхо йолийна хилла къесто. Шинарин дийне баьллачу къовсамехь дакъалаьцна уьрсашна а, герзашна а тIебевллачу наха. Кеп-кепара чевнаш хилла щина а агIонна: Ферзаули доьзалера лазийна Iаьрби, Iаьлви, Ренат, Салман, ХациевгIарех чевнаш хилла ву Iумар... Читать дальше...

Европехь "Юккъерчу Азера а, Нохчийчуьра а схьабевллачу нахах лаьтта террористийн машанаш бу кхоллалуш", - аьлла Цхьанакхеттачу Къаьмнийн организацин инарла секретаран гIовса, Цхьанакхеттачу Къаьмнийн организацин Контртерроран урхаллин куьйгалхочо Воронков Владимира оцу хьукматан пресс-центро даржийначу шен дIахьедарехь. Масал далош, дIахьедарехь хьахош ду цхьана Европерчу пачхьалкхехь Таджикистанера схьабевлла нах лецар. Уьш бехкебора тIелетарш дан кечбаларна а, оцу зуламна юкъа мигранташ ийзорна а. Читать дальше...

Хьалхе ду карантинах мукъадовла – хьалха санна дукха бацахь а, леш бу нах; нохчийн тIемалойх лаьтта "Катаиб Хаттаб аш-Шишани" тоба тIелетта Шемахь Оьрсийчуьрчу ницкъашна; "Иегован Тешаш" лоьцуш, кхеле ийзош бу Къилбаседа Кавказехь.

"Катаиб Хаттаб аш-Шишани" цIе йолу экстремистийн тIеман тоба тIелетта Оьрсийчоьнан а, Туркойчоьнан а эскархойх лаьттачу ханна, хаам баржийна Regnum агенталло. Хьасто "нохчийн тIемалой" аьлла, кхин цхьа а тоьшалла а доцуш, бовзуьйту тIелатархой. Гарехь, цо юьйцург ю Нохчийчохь 2002-чу шарахь кхелхинчу СаIудийн Iаьрбийчуьрчу амиран Хаттабан (Самер Салехь ас-Сувейлем) цIарах йолу тоба. ТIелеттачара йохийна гIагIадиллина транспортер, билгалдоккху "Лента.ру" портало. Хьалхо баьржинчу хаамца, Шемахь вийна Оьрсийчуьра тIеман хьехамча... Читать дальше...

Бутт гергга хьалха «ТIаьххьара некъ. Мел генахь велларг а Даймахкахь дIаверзово нохчаша» цIе йолчу шен документалан филмехь Маршо Радионо довзийтира Европерчу нохчаша шайн белларш муха, стенгахь дIабухку. Оцу теманах ду хIара дийцар а. Цо гойту Ницца гIаларчу масалца, муха ларабо Францера нохчий тезетан ламасташ лардарца. Стаг верзоран некъах лаьцна дуьйцу Ниццерчу Кавказан синбахамаллин центран куьйгалхочо Магомадов Рамзана (Басхан).

Дарбан хIусамашкара 6 пациент велла коронавирусах, 406-нна ун кхетта Къилбаседа Кавказехь дийнахь буса, хаам бо уьнна дуьхьалоечу Оьрсийчоьнан Оперативан штабо. Краснодар-махкахь кхелхина кхо пациент, Ставропол-махкахь – шиъ, Адыгейхь – цхьаъ. Верриг а уьнах велларг ву Къилбаседа Кавказехь, штабан хаамца, 1127 стаг. Дийнахь-буса а, юьхьанца схьа а цомгуш хилларш: Ставропол-мохк +127 (11 247) Краснодар-мохк + 86 (10 681) Дагестан +65 (10 586) Кхарачой-Чергазийчоь +30 (4860) ГIалгIайчоь... Читать дальше...

Коронавирусах бераш Iалашдеш, 1-чуй, 11-чуй классашкара бераш бен дуьтур дац Дешаран Де даздечу школашкарчу барамашка ГIалмакхойчохь. Иштта хаам бина Кавказ.Реалиига мехкан дешаран министран гIовса Санджарыков Германа. "Бераш арахь, мохехь гулдийр ду Дешаран Дийнехь дакъалаца. Оха доьхур ду дай-наношка, гергарчаьрга, масканаш лелор а, берашна юьстах совцар а. Цул тIаьхьа догIур ду школе кхечу классашкара бераш, Толаман 75 шо кхачар билгалдоккхуш, классаш чохь дарс дIахьор ю царна. Амма дукхахйолчу классаша и болх онлайн кепехь бан лерина"... Читать дальше...

Ша-шех пачхьалкх кхайкхийначу Къилба ХIирийчоьнан Инарла прокуратурера талламан урхалла а, полици а, къайлах сервис а (КГБ) толлуш ю мехкан чоьхьарчу гIуллакхийн министран Наниев Игоран машенна герзаш тохар, иза вен гIортар, хаам баржийна прокуратурин пресс-векалто. "Марсхьокху-беттан 22-23-чохь дIаяьхьначу талламан операцешкахь карийна 10 сов маса топ, массех хIоъ, лелха коьчалш, 3 эзар сов патарма, баккхийчу барамашкахь наркотикаш", - яздо "Рес" портало, прокуратурерчу хьасташна тIе а тевжаш. Читать дальше...

Ростовхь кхелан сацамца лаьцна "Иегован Тешаш" олучу динан тобанера 11 стаг, хаийтина "Кавказский узел" газето. Динан оцу тобанера нах лецарца Ростов-махкал а хьалхаяьлла Ставрополь – цигахь 16 бехктакхаман дов гIаттийна "Иегован Тешашна"  дуьхьал. Оьрсийчохь йихкина йолчу оцу сектин декъашхойх ялх лаьцна Краснодар-махкахь, пхиъ – Волгоград-махкахь, Астраханехь а, Дагестанехь а – виъ-виъ, ГIебарта-Балкхаройчохь а, Кхарачой-Чергазийчохь а – цхьацца. Оьрсийчоьнан Лакхарчу кхело "Иегован Тешаш"... Читать дальше...