Оьрсийчохь президент лаьттинчуьнга валлалц сенаторалла далар къобалдина депутаташа
![Оьрсийчохь президент лаьттинчуьнга валлалц сенаторалла далар къобалдина депутаташа](https://gdb.rferl.org/BC56C9F8-7954-4A52-A735-BCA2DC559ABC_w800_h450.jpg)
Оьрсийчохь президент Iийначуьнга цуьнан оьмар чекхъяллалц сенаторан дарж дала магадо Федерацин кхеташо кхолларх лаьцна Пачхьалкхан Думехь тIеоьцуш долчу низамо. Конституцица карлаяккхарца доьзна президента Думе хьажийначу документан лорах бина и сацам.
Проекто бахарехь, сенаторан статус караоьцуш президента ша дарж дитале 3 бутт хьалха чудала деза оьшу документаш.
Экс-президентан кхерамзалла чIагIъеш долу низам а ду Думехь дийцаредеш.
"Хийцамаша билгалдохур ю федералан низамо президент лаьттинчун дахар Iалашдан кхачош долу хьелаш, иза оьшу пачхьалкхан а, халкъан а чIагIонна", – билгалдаьккхина проектан инициаторех волчу Крашенинников Павела, яздо "Интерфаксо".