Новости за 18.11.2020

ГIалгIайчоьнан полицино республикан коьртачу шахьарахь Магасехь оппозиционер Хазбиев Мохьмад лаьцна низамехь йоцчу акцешка нах кхайкхарна. Ша Хазбиевс Кавказ.Реалиин корреспонденте бинчу хаамца, Iуьйрана экстремизманна дуьхьалоечу центрера баьхкинчу белхахоша шайн цIийне дIавигина иза, цигара кхачийна полице. Административан кодесера низам дохор бехке диллина цунна. Амма Хазбиевс ца дина дареш, шена Конституцин 5I-чу декъо луш йолчу бакъонна тIе а тевжина. Яхначу сарахь Хазбиевс видео-кхайкхам... Читать дальше...

Вайначу жигархочун Тепсуркаев Салманах долу дов кхаьчна Европан кхеле; Киркоров ХIинжа-ГIала веъча иза вен кечлуш хилла аьлла, набахте хьажийна виъ стаг; Оьрсийчохь президент лаьттинчуьнга даиманенна сенаторалла далар къобалдина депутаташа

Дагестанерчу юкъараллан жигархоша къийсам болийна, социалан машанашкахь админаша зудаберашца ден харц йозанаш зорбане а дохуш, цул тIаьхьа цаьрца лелочу шантажна дуьхьал. Яздо цунах лаьцна Кавказ.Реалиино. "ВКонтактерчу" иштачу цхьана тобане язвелла вара 40 эзар стаг, юкъараллехь резонансе гIуллакх иккхинчул тIаьхьа дIакъевлира группа. Делахь а, кхийнолу иттаннашкахь тобанаш шайн болх дIахьош ю хIинца а. Дуккха а меттигаш нисбелла, оцу тобанаша Iорадаьхна суьрташ бахьана долуш, гергарчара шайн доьзалшна етташ. Читать дальше...

Францехь хьехархо вийначул тIахьа цIеххьана телхина цхьаболчу нохчийн мухIажарийн хьал: уьш цIехьа хьежо мегаш бу. Нохчийчуьра схьабевллачу нахана депортаци яран бахьанаш къастош Кавказ.Реалии сайтан корреспонденто къамел дира нохчийн диаспоран цхьаболчу векалшца.

Оьрсийчохь президент Iийначуьнга цуьнан оьмар чекхъяллалц сенаторан дарж дала магадо Федерацин кхеташо кхолларх лаьцна Пачхьалкхан Думехь тIеоьцуш долчу низамо. Конституцица карлаяккхарца доьзна президента Думе хьажийначу документан лорах бина и сацам. Проекто бахарехь, сенаторан статус караоьцуш президента ша дарж дитале 3 бутт хьалха чудала деза оьшу документаш. Экс-президентан кхерамзалла чIагIъеш долу низам а ду Думехь дийцаредеш. "Хийцамаша билгалдохур ю федералан низамо президент лаьттинчун дахар Iалашдан кхачош долу хьелаш... Читать дальше...

Къилберчу тIеман кхело (Ростов) бехкевина Казуев Хидирнеби, Халдузов ГIабибулла, Ибрагимова Самир, Магомедов Шемал ХIинжа-ГIала вогIучу Киркоровн концертехь эккхийтар дан кечамбина хиларна. 10-19 шераш кхайкхийна царна набахтин луьрачу хьолехь такха. Талламан версица, 2017-чу шеран Товбеца-беттан 6-чу дийнахь ХIинжа-ГIаларчу "Хазар" ресторанехь Оьрсийчоьнан артистан Киркоров Филиппан концертехь куьйга йина бомба эккхийта бохкуш хилла кегийнах. Амма ха чIогIа хиларна аьтто ца баьлла церан концерте кхача. Читать дальше...

Пхеа беран нанас, 40 шо долчу Нохчийчуьрчу Гажаева Асета дIахьедина Соьлж-ГIаларчу Ленинан кIоштарчу полицин декъехь шена йиттина аьлла. Берийн доладарх къасточу юкъанна полицино тIекхайкхинера иза. Ницкъаллийн структурашна ша берашца еха адрес дала ца хIуттура Асет, шен хилла цIийнда тIаьхьакхиарна кхоьруш, тIаккха цо бераш дIадохур ду шегара аьлла, хеташ. Оцу тIехула полисхоша кхерамаш а туьйсуш, ницкъбинера цунна. Гажаеван цIийнда, 53 шо долу ГIалгIайчоьнан вахархо Льянов Мурад кхелехь тоьлуш дирзира гIуллакх. Читать дальше...

Адамийн бакъонашкахула йолчу Европан кхело листа тIеэцна нохчийн жигархо, Телеграмерчу 1АДАТ пабликан модератор Тепсуркаев Салман варах долу арз. Оцу хьокъехь хаам бо "Кавказский Узел" газето. Бакъоларъярхоша Оьрсийчоь декхарейо Тепсуркаев лаха а, иза мукъаваккха а, цунна кхерамзалла кхачо а. Юьхьанца Европан кхело т1е ца ийцира арз, амма масех дед даьлча, шен сацам юха а баьккхина, листа магийна. Оьрсийчоьне хеттарш хьовсийна кхело: юй пачхьалкхан урхаллаш жигархо вадийначу нахаца, хIоттийний цунна т1ехь Iазап? Читать дальше...

Байден: Трампа, шен эшамна къера ца хуьлуш, новкъарло йо COVID-19 цамгарца къийса Харжамашкахь президент хаьржинчу Байден Джос дIахьедина, шенний, къовсамехь эшча дарж дита туьгуш воцчу Трамп Доналданний агIонаш къийсалуш Iачу юкъанна кхуьуш лаьтта коронавирусо ден зенаш, аьлла. II миллион ун кхетта стаг ву Американ Штатийн бахархошлахь, белла пандемин мур лаьтташ 250 эзар гергга нах.       Талламан комитет шен имидж зен 3,6 миллион сом дайъа дагахь хилла 3,5 миллион соьман тендор... Читать дальше...