Хасаров ШаIрани. Йовхо
Йовхо
Маттана говзалла иэшна .
Ирс долчча хьаьдда бах ирс.
Дуьненчохь дагна ца хетта- кх
Йовхонал боккханиг гIирс ?!
Карийна бIаьргашна серло.
Амма мел сирла и де
Бодане хетало царна
Хьан дагчохь гIелъелча цIе.
Дуьненна къинтIера волу;
Бицбо мел хилла цатам;
Дахаро илли а олу
Цо дагтIе баржийча тIам.
И йовхо дагах а кхетта,
Цхьа маьрша дели сан са.
И дуьйцуш, денделла леста
Сан ирсан кагделла га.
1977 ш.