Макрона "геч дан мегар доцуш ду" аьлла, полицино 1961-чу шарахь Парижехь динарг
Францин президента Макрон Эммануэла геч дан мегар дац аьлла полицино динарг, 60 шо хьалха Парижехь Алжирера схьабеввллачу нехан дуьхьалонан акци къизаллица йохош. И нах баьхкинера Сен-Мишель цIе йолчу тIайна улле, Францин Iедале кхайкхам бан Алжирера тIом сацабе аьлла. Цунах лоаьцна хаам бо Свобода Радионо, "Евроньюс" телеканала тIе а ттевжаш.
1961-чу шарахь хиллачу бохамах лаьцнарг къйладахьна дара иттаннаш шерашкахь. Оцу дийнахь байъинчу нехан терахь билггала хууш дац тахана а. Официалан версица, уьш иттаннашкахь бара.
Францхойн дьненаюкъарчу радионо хаам бо: "Хиллачух лаьцна билггала хаамаш гулбан аьтто ца баьлла, бевзаш болчу историкаша уггар кIорга бинчу таллмаца, вийна хила мегаш ву аьлла хета лаххара а 200 стаг".
Алжирхойн манифистанташ къиза дIасалахка аьлла омра делларг вара Парижан полицин префект Папон Морис. 38 шо даьллачул тIаьхьа цунна кхел йира, адамаллина дуьхьал зулам дарна.
Макрона къамел дар нисделла, хIара бутт болалуш Парижна а, Алжирна а юкъахь иккхина дипломатин конфликт дIайоьдуш а йолуш. Къомах алжирхой болчу кегийрхошца шен хиллачу цхьаьнакхетарехь президента Макрона дIахьедира, Алжиран куьйгалло " оцу мехкан официалан истори юхаязйина, Францега болу цабезам оцу юкъа а буьллуш" аьлла.