2025 წლის თვითმმართველობის არჩევნების წინ კანდიდატებს შორის დებატების არქონის გამო ტელეკომპანიები „იმედი“ და „მაესტრო“ გააფრთხილა კომუნიკაციების კომისიამ. მათ ეს ვალდებულება „მაუწყებლობის შესახებ“ კანონით ჰქონდათ.
„ბათუმის ნავთობტერმინალში“ 10 000 ტონაზე მეტი ნედლი ნავთობის საბაჟო წესების გვერდის ავლით განკარგვის ბრალდებით ყაზახეთის სამი მოქალაქე დააკავეს. მათ 11-დან 15 წლამდე პატიმრობა ემუქრებათ.
დიდი ბრიტანეთის ხელისუფლებამ გამოაცხადა სანქციების დაწესების შესახებ რუსეთის თავდაცვის სამინისტროს გენერალური შტაბის მთავარი სამმართველოსთვის - რუსეთის სამხედრო დაზვერვისა, რომელიც გრუ-ს სახელით არის ცნობილი - და 11 პირისთვის, მათ შორის გრუ-ს სავარაუდო ოფიცრებისთვის. ბრიტანეთის საგარეო საქმეთა სამინისტროს განცხადების თანახმად, ეს დაკავშირებულია სერგეი სკრიპალსა და მის ქალიშვილზე, იულიაზე, სოლსბერიში 2018 წელს თავდასხმის მცდელობის გამოძიებასთან. ქიმიური იარაღით, „ნოვიჩოკით“ მოწამვლას ემსხვერპლა დიდი ბრიტანეთის მოქალაქე დონ სტერჯესი. Читать дальше...
„ქართული ოცნების“ მთავრობის განათლების მინისტრი გივი მიქანაძე ამბობს, რომ მომავალი სასწავლო წლიდან უნივერსიტეტების საგრანტო დაფინანსების მოდელი გაუქმდება. მისი თქმით, ახალი წესი არ შეეხება იმ სტუდენტებს, რომლებიც უკვე სწავლობენ უნივერსიტეტებში.
"ქართული ოცნების" ხელისუფლებამ ჯერ მხოლოდ სიტყვიერად უარყო BBC-ს ჟურნალისტური გამოძიების ვარაუდი, რომ, 2024 წლის მიწურულს, საქართველოში დემონსტრანტების წინააღმდეგ საუკუნის წინ შექმნილი ძლიერ ტოქსიკური ნივთიერება - Bromobenzyl cyanide (CA) - გამოიყენეს.
სახალხო დამცველმა ლევან იოსელიანმა ოპოზიციონერი პოლიტიკოსი, ალეკო ელისაშვილი, რომელიც სისხლის სამართლის წესით არის დაკავებული, საპატიმროში მოინახულა. ინფორმაცია გაავრცელა ომბუდსმენის აპარატმა.
ლორდთა პალატის წევრი, ლორდი ჯორჯ ფოულკსი ბრიტანეთის მთავრობას მიმართავს კითხვით, რა ზომებს გაატარებს საქართველოს ხელისუფლების მიმართ მას შემდეგ, რაც გავრცელდა ინფორმაცია, რომ 2024 წლის ნოემბერსა და დეკემბერში იგი დემონსტრანტების დასაშლელად აკრძალულ ნივთიერებას იყენებდა.
უკრაინის შეიარაღებული ძალების მთავარსარდალმა, გენერალმა ოლექსანდრ სირსკიმ „უკიდურესად რთული“ უწოდა დონეცკის ოლქის ქალაქების, პოკროვსკისა და მირნოგრადის დაცვის ახლანდელ ეტაპს. რუსეთმა პოკროვსკი „გათავისუფლებულად“ რამდენიმე დღის წინ გამოაცხადა.
რუსეთის პრეზიდენტმა ვლადიმირ პუტინმა საჯაროდ პირველად ილაპარაკა უკრაინის შესახებ აშშ-ის პრეზიდენტ დონალდ ტრამპის წარმომადგენლებთან მოლაპარაკებაზე, რომელიც 2 დეკემბერს კრემლში გაიმართა.
სახელმწიფო უსაფრთხოების სამსახურის შენობასთან ოპოზიციონერი ლიდერის, ლევან ხაბეიშვილის ოჯახის წევრები, მეგობრები, თანაპარტიელები და მხარდამჭერები შეიკრიბნენ. მათი თქმით, პოლიტიკოსი პოლიტპატიმარია.
