უკრაინამ გამოაცხადა, რომ 3 თებერვალს კიევში ევროკავშირ-უკრაინის სამიტი გაიმართება
უკრაინის პრემიერ-მინისტრის, დენის შმიგალის განცხადებით, კიევში 3 თებერვალს ევროკავშირის სამიტი გაიმართება, რაც, მისი თქმით, მძლავრი სიგნალი იქნება მსოფლიოსა და მოსკოვისთვის.
AFP-ის თანახმად, შმიგალმა კაბინეტის სხდომაზე თქვა ასევე, რომ შეხვედრა „ძალიან მნიშვნელოვანი“ იქნება კიევის სწრაფვისთვის, შეუერთდეს ევროკავშირს. „ის ფაქტი, რომ სამიტი კიევში გაიმართება, მძლავრი სიგნალია ორივესთვის, ჩვენი პარტნიორებისა და მტრებისთვის“, თქვა შმიგალმა.
ცნობაში არ არის დეტალები მოყვანილი, თუ ვინ დაესწრება ამ სამიტს.
უკრაინის პრემიერმა ასევ თქვა, რომ 2 თებერვალს გაიმართება ასევე მნიშვნელოვანი შეხვედრა: უკრაინის მთავრობა და ევროპის კომისია გამართავენ კონსულტაციებს "პირველად ისტორიაში".
უკრაინას ევროკავშირის კანდიდატის სტატუსი მიანიჭეს შარშან ივლისში.