დმიტრო კულება: უკრაინის ნატო-ში გაწევრიანებამდე უსაფრთხოების საუკეთესო გარანტიებია სანქციები, იარაღი და ფული
უკრაინის ნატო-ში გაწევრიანებამდე უსაფრთხოების საუკეთესო გარანტიებია სანქციები, იარაღი და ფული,- ამის შესახებ უკრაინის საგარეო საქმეთა მინისტრმა დმიტრო კულებამ მიუნხენის უსაფრთხოების კონფერენციაზე განაცხადა.
„ტექნიკურად რომ ვთქვათ, რა თქმა უნდა, ნატო-ში შესვლასა და ახლანდელ დროს შორის უსაფრთხოების საუკეთესო გარანტიებია: სანქციები, იარაღი და ფული. თუმცა მე ვფიქრობ, რომ უსაფრთხოების ყველაზე მნიშვნელოვანი გარანტია, რომლის მოცემაც პარტნიორებს შეუძლიათ – ეს არის უკრაინის გამარჯვების მტკიცედ და უპირობოდ რწმენა. ეს თუ პოლიტიკის საფუძველში იქნება, მაშინ ყველაფერი დანარჩენიც მოჰყვება”, – თქვა კულებამ.
მან უარი თქვა დაეკონკრეტებინა უკრაინის გამარჯვებაში რომელ ქვეყნებს ეპარებათ ეჭვი და აღნიშნა, რომ „ამაზე ვმუშაობთ“.