2010 жылы 12 наурызға қараған түні Алматы облысында бөгет жарылып, Қызылағаш ауылын су шайып кетті. Ресми дерек бойынша, 45 адам опат болды. 1857 үйді су алып, оның 631-і қирады. 23 мыңнан аса мал қырылды. Апаттан соң үш адам "қызметіне салғырт қарады" деген айыппен сотталып, кейін амнистиямен босап шықты. Азаттық тілшілері Қызылағаш ауылының бүгінгі тыныс-тіршілігімен танысып қайтты.
Әлемнің 114 еліне тараған, 126 мыңнан астам адамға жұғып, 4,5 мыңнан астам жанның ажалына себеп болған Covid-19 коронавирусын Дүниежүзілік денсаулық сақтау ұйымы пандемия деп жариялады. Қазақстан билігі мектеп оқушыларын демалысқа ерте шығарып, мерекелік іс-шара мен ұшақ қатынасына шектеу енгізілетінін хабарлады.
АҚШ мемлекеттік департаменті наурыздың 11-і күні жариялаған Адам құқықтары туралы 2019 жылға арналған есебінде Қазақстанның бұрынғы президенті Нұрсұлтан Назарбаевтың билікке әлі ықпал етіп отырғаны, қазіргі үкімет адам құқығын шектеп жатқаны айтылған.
