Мың маскалы қала. Алматының карантинге дайындығы қалай?
Карантин жарияланғаннан кейін әлеуметтік желі қолданушылары Алматыны «Мың маскалы қала» деп атай бастады. Аз уақытта танымал болып үлгерген бұл тіркес Алматының «Мың бояулы қала» деген ресми сипаттамасына ұқсайды. Карантин қарсаңында Алматы көшелерінде адам аяғы сап тыйылғанымен, азық-түлік пен дәрі-дәрмек алып жүрген, медициналық маска үшін кезекте тұрған қала тұрғындары да кездесті. Азаттық тілшісі Алматы көшелерін аралап, қаланың карантинге дайындығымен танысты.