ЖЫЛ ҚОРЫТЫНДЫСЫ: 2015 жылғы Президент сайлауы теңдессіз нәтижесімен тарихта қалады
АСТАНА. ҚазАқпарат - Өтіп бара жатқан Қой жылында Тәуелсіз Қазақстанның саяси өмірі де ерекше оқиғаларға толы болды. Солардың ішінде 2015 жылғы сәуір айының 26-ында өткен ҚР Президентінің кезектен тыс сайлауына айрықша тоқталуды жөн санадық. Өйткені, сайлаудан басталған әңгімелер кейіннен Елбасының тұғырнамалық жоспарына айналып, одан кейінгі күні бес институттық реформа ретінде заңнамалық бекіп, енді міне, жаңа 2016 жылдың қаңтарынан осының барлығы дерлік нақты іс жүзіне асырылатыны күтіліп отыр. Әлбетте, реформа Қазақстанда үздіксіз жүргізіліп келе жатыр. Дегенмен, Президенттің бес институттық реформасы Қазақстанның дамуын жаңа сапаға жетелейтіні де анық. Ендеше, жыл аяқталар тұстағы қорытынды ретінде биылғы жылдың аса маңызды саяси оқиғасына тағы да бір көз жүгірттіп өтсек.