Алматылық тұрғын тұрақта дрифт жасағаны үшін көлігінен айырылды
Қауіпті маневр жасалған видео әлеуметтік желілерде пайда болды. Кадрлардан жүргізуші басқа көліктер мен жаяу жүргіншілер болуы мүмкін тұрақта әдейі дрифт жасағанын көруге болады.
Жетісу аудандық Полиция басқармасының қызметкерлері құқық бұзушының жеке басын анықтады. Рөлде Алматы қаласының 28 жастағы тұрғыны болған.
Жүргізушіге қатысты Әкімшілік құқық бұзушылық туралы кодекстің бірден екі бабы бойынша әкімшілік материалдар толтырылды. Сонымен қатар автокөлік мамандандырылған айыптұрағына қойылды.
Instagram-дағы бұл жарияланымды көру
Алматы қаласының ПД жарияланымы (@almaty.police)
Полиция өкілдері жалпы пайдаланудағы жолдарда, тұрақтарда және басқа да қоғамдық орындарда дрифт жасау айналадағыларға қауіп төндіретінін ескертті. Мұндай маневрлер жол-көлік оқиғаларына және ауыр салдарға әкеп соғуы мүмкін.