Рухани жаңғыру ұлт руханиятын жаңа тұрғыдан тануға жол ашады
АСТАНА. ҚазАқпарат - Биылғы жылдың маңызды мәселесі - «Рухани жаңғыру» бағдарламасы екені сөзсіз. Биылғы емес-ау, Елбасының бастамасымен айқындалған бұл бағдарлама алдағы болашағымыз үшін жұмылатын рухани бағдар. Осы бағдарламаға орай ҚР Президенті Әкімшілігінің Басшысы Әділбек Жақсыбеков басқаратын Қоғамдық сананы жаңғырту бағдарламасын іске асыру жөніндегі ұлттық комиссия құрылып, жұмыс топтары айқындалғалы бері жан-жақты жұмыстар саралана бастаған болатын. Бес бағыттағы жұмыс тобы нақты жоспарларын жасап, іске кіріскен еді.