Баткенде бүтүрүүчүлөр мектепке 12 метр балаты белек кылышты
Кадамжай районуна караштуу Ноогардан айылындагы мектепти 20 жыл мурда бүтүргөндөр окуу жайга 12 метрлик балаты белек кылышты. Бул тууралуу “Азаттык” радиосуна Ноогардан орто мектебинин мугалими Бермет Сатыбалдиева кабарлады. Анын айтымында, балаты атайын Орусиядан алып келинген. Аны бүтүрүүчүлөр жасалгалап, мектептин алдына орнотуп беришти.
- Балатынын узундугу 12 метр. Аны 1982-жылы туулган балдар, быйыл мектепти бүткөнүнө 20 жыл болгон бүтүрүүчүлөр Орусиядан алып келишти.
Мектепти аяктаганына 10, 20, 30 жыл болгондор өз айылдарына жол, көпүрө же жардамга муктаждарга үй салып берүүнү салтка айландырган көрүнүш да жайылууда. (КЕ)