Анжелина Жоли саясатка бара турганын жарыялады
Голливуддун жылдызы Анжелина Жоли дүйнөлүк лидерлерди согуш жүрүп жаткан өлкөлөрдөгү качкындар менен аялдарга көңүл бурууга үндөп, саясатка бара турганын маалымдады.
28-декабрда Би-Би-Си радиосуна маек курган кино жылдызы Бириккен Улуттар Уюмунун ыктыярдуу элчиси катары аткарган иши тууралуу кенен айтып берди.
БУУнун Качкындар боюнча агенттигинде сексуалдык зомбулукка кабылган аялдарга көмөк көрсөтүп жатып 43 жаштагы Жоли “Азыркы тапта БУУ менен иштешип жатам, кырдаалды оңдоо үчүн колумдан келгенин жасайм” деп убада берген. (BCh)