Новости за 02.10.2018

Абактагы мурдагы премьер-министр анын тергөө тууралуу коомчулукка ачык маалыматты бөлүшкөнү атайын кызматка жакпай жатат. Өзүн опузалаган тергөөчүлөргө чара көрүүнү суранган Сапар Исаковдун арызы боюнча кылмыш иши козголгобогонун анын адвокаты Нурбек Токтакунов айтып чыкты.  Анын айтымында, тергөөчүлөрдүн кадамында мыйзамдар бузулган учурлар аныкталса да, Башкы прокуратура иш козгоодон баш тартты: - Исаковду камерадан чыгарып, тергөөчүнүн иш бөлмөсүнө киргизишкени жана ал ыкчам кызматкер менен сүйлөшкөнү такталды. Читать дальше...

Бишкектеги Ботаникалык бактын түзүлгөнүнө быйыл 80 жыл болду. Ал түрдүү өсүмдүктөрдүн, бак-дарактардын көптүгү боюнча Борбор Азияда биринчи орунду ээлейт. Ушул жылдын март айында Ботаникалык бакты жаңылоо жана калыбына келтирүү боюнча башкы план бекитилген. Ошол пландын негизинде бактын аймагындагы дарактардын жана өсүмдүктөрдүн түрүн көбөйтүп, иретке салынганы жатат. Бирок анын качан толук ишке ашары азырынча белгисиз.

Белгилүү активист Мавлян Аскарбеков Биринчи май районунун акиминин турак жай, коммуналдык чарба иштери боюнча орун басары болуп дайындалды. Бул тууралуу "Азаттыкка" Бишкек шаарынын мэриясы кабарлады. Мавлян Аскарбеков буга чейин өзүн жарандык активист катары көрсөтүп, көйгөйлүү маселелерде пикирин билдирип, өлкөнүн коомдук-саясий турмушуна жигердүү катышып келген.  Аскарбеков 2015-жылы "Ата Мекен" фракциясынан акыйкатчылыкка талапкерлигин койгон. Бирок бул кызматка чыныгы укук коргоочу келе албай турганына көзү жеткенин айтып... Читать дальше...

Барселонада Каталониянын эгемендиги боюнча референдумдун бир жылдыгын утурлап уюштурулган митингдин катышуучулары менен полиция кагылыша кетти. Тартип коргоочулар каталон парламенти менен полиция имараттарын курчоого алууга аракеттенген демонстранттарды күч менен таркатты. Митингге катышкан 200дөй киши «Унутпайбыз! Кечирбейбиз!» деп кыйкырып жатышты. Былтыркы референдумга автономдуу аймактын Испаниядан бөлүнүү маселеси коюлган. Мадрид добуш берүүнү "мыйзамсыз" деп баалап, түз башкаруу киргизген. Читать дальше...

"Азаттыктын" башкы редактору Бурулкан Сарыгулова "Кыргыз Республикасынын маданиятына эмгек сиңирген ишмер" деген ардактуу наам алды. Президент Сооронбай Жээнбеков 31-август - Эгемендик күнүнө карата "Мамлекеттик сыйлыктар менен сыйлоо жөнүндө" жарлыкка кол койгон. Ага ылайык, Кыргызстандын социалдык-экономикалык, интеллектуалдык жана руханий кудуретин өнүктүрүүгө кошкон олуттуу салымы, кесиптик ишиндеги чоң жетишкендиктери үчүн ар кайсы тармактарда иштеген 155 кишиге мамлекеттик сыйлыктар берилди. Читать дальше...

Шарль Азнавурду акыркы сапарга узатуу күнүндө Арменияда аза күтүү жарыяланат. Бул тууралуу Армениянын премьер-министри Николь Пашинян билдирди. Франциялык даңазалуу ырчы, актер, улуту армян Азнавур дүйшөмбүдө 94 жашында көз жумду. Маркум качан жерге берилери азырынча белгисиз. Улгайып калганына карабай гастролдорун токтотпогон шансонье бир нече күн мурун Жапониядан кайтып келген. Май айында ийинин кокустатып алып, жайында бир катар өлкөлөрдөгү концерттери болбой калган эле. Франциянын президенти... Читать дальше...

Ошто айыл өкмөт башчысынын бир тууганы автомат менен кармалды. Бул тууралуу "Азаттыкка" Ош шаардык милициясы билдирди. Маалыматка караганда, Ош шаардык милициясы ыкчам маалымат менен 32 жаштагы Мирбек Раимбековдун үйүн тинтүүгө алган учурда даараткананын артына бир метр тереңдикке көмүлгөн бир даана автомат 28 даана огу, эки магазини жана үн өчүргүчү менен табылган. Андан сырткары бир даана тапанча, бир даана карабин жана бир (цинк) яшикте автоматтын 362 огу чыккан. Үйүнөн бул куралдар табылган... Читать дальше...

Ливандын тышкы иштер министри ондогон элчини ээрчитип алып, Бейруттун эл аралык аэропортуна жакын жерге барды. Ага чейин Израил Иран колдогон “Хезболла” кыймылын ал жерде "жашыруун ракета жасап жатат" деп айыптаган. 1-октябрда Жебран Басил дипломаттар менен журналисттерден турган, 70 кишиден ашуун топко Ливан бийлиги аэропортко чукул жерде “ракета кураштырган” жай ачууга уруксат бербей тургандыгын жана “Хезболла” деле андай ишке барбоого “акылы” жетеин жүйө келтирди. Ал Израилдин айыптоосу “негизсиз” жана “так далили” жок экенин белгиледи. Читать дальше...

Словакиянын прокуратурасы журналист Ян Куциак буюртма менен өлтүрүлгөнүн аныктады. Быйыл февралда  журналистти өлтүрүүгө буйрук берген киши 70 миң евро, анын 50 миңин нак акча түрүндө, калганын “мурдагы карызынан” эсебинен деп сүйлөшкөнүн прокуратура жарыялады.  Прокуратуранын маалыматына караганда, кылмышка шшектүү Томаш С аттуу адамга акчаны 44 жаштагы ишкер Алена берген. Акча кайдан келгени азырынча белгисиз. Куциактын үй-бүлөсүнүн адвокаты Даниэл Липсиц акчаны берген аял “ортомчу” болгон деп... Читать дальше...

Мушкерлер үчүн эрежелер да жөнөкөйлөтүлгөн.

Текшерүүнүн жыйынтыгында Башкы прокуратура президент Сооронбай Жээнбековдун сүрөтүнө жазылган тамаша сөздөр үчүн авторго каршы иш козгоого негиз жок деп тапты. Бул тууралуу "Азаттыкка" көзөмөл органынын маалымат бөлүмү кабарлады. 1-октябрда Башкы прокуратура материалдарды УКМКга кайтарып берген. Мамлекет башчынын басма сөз кызматы мындай чечимге президенттин аппаратынын "авторго карата Жээнбековдун эч кандай доосу жок" деген билдирүүсү таасир этпегенин маалымдады.  Мурдараак бишкектик дизайнер... Читать дальше...

Эмгек жана социалдык өнүгүү министри Таалайкүл Исакунова жана анын орун басары Лунара Мамытова 1-октябрда Башкы прокуратурага суракка чакырылды. Бул тууралуу "Азаттыкка" башкы көзөмөл органынын басма сөз кызматы кабарлады. Маалыматка ылайык эки жетекчи бюджеттик каражаттан чет өлкөлөргө чыккандыгы тууралуу маалымат берүү үчүн суракка чакырылган. Исакунова жана Мамытова түшүнүк кат жазып чыгышкан. Буга чейин 24-сентябрда Жогорку Кеңештин депутаты Аида Касымалиева "Эмгек жана социалдык өнүгүү министрлигинин... Читать дальше...

Бүгүн Тышкы иштер министрлиги Жээнбек Кулубаевди Кыргызстандын Казакстандагы элчиси кылып дайындоону сунуш кылып, аны Жогорку Кеңештин Эл аралык иштер, коргонуу жана коопсуздук боюнча комитети жактырды. Жогорку Кеңештин депутаты Руслан Казакбаев "Кулубаевди Кытайга элчи кылып дайындоо жакшыраак болмок" деген оюн айтып, бирок анын талапкерлигине эч каршылыгы жок экенин кошумчалады. Натыйжада комитет Жээнбек Кулубаевдин талапкерлигин жактырды. Жээнбек Кулубаев 1963-жылы Ысык-Көл облусунун Чырпыкты айылында туулган. Читать дальше...

Жогорку Кеңештин "Республика - Ата Журт" фракциясынын депутаты Адыл Жунус уулу "Эйр Кыргызстанды" Кытайга берүүнү сунуш кылды.  - "Эйр Кыргызстандын" коопсуз уча ала турган учагы жок экен. Менин угушумча, Кытайда кызыгуу бар экен. Ушуну Кытайдын компанияларына бербейлиби. Азыр Кытайдын көп компанияларында учактары ашып-ташып атыптыр. Эгер Кытайдын компаниясы сатып алса, "бул жакка 3-5 жылдын ичинде 12 учак алып келебиз" деген маалымат бар экен да. Эң жакшы болгон 2012-жылы 35 миллион сом киреше тааптыр. Читать дальше...

Кыргыз өкмөтү ушу тапта “Ачык асман” долбоорун жүзөгө ашырууга умтулууда.

Кыргыз өкмөтү ушу тапта “Ачык асман” долбоорун жүзөгө ашырууга умтулууда.

Чолпон-Атада өспүрүм баланын сөөгү табылды. Бул тууралуу "Азаттыкка" Ысык-Көл облустук милициясынын басма сөз катчысы Сталбек Усубакунов билдирди. Анын айтымында кечээ тогуз жаштагы бала жоголгонун билдирип ата-энеси милицияга кайрылган. Издөөнүн жүрүшүндө баланын сөөгү жакынкы пансионаттардын биринин жанында чоң жолдун четинен табылган. Маалыматка ылайык бала 1-топтогу майып болчу жана ал аутизмге чалдыккандыгы үчүн бала бакчага же мектепке барчу эмес.  Азыркы учурда экспертиза дайындалып, баланын... Читать дальше...

Кыргызстандын “Коопсуз шаар” долбоорун уткан “Вега" радиокуруу концерни” өзүнүн АКШнын санкциялык тизмесинде турарын төгүндөп, атайын билдирүү таратты. Компания АКШнын "кара тизмесине" кирген “ВЕГА” илим изилдөө институту Орусиянын Воронеж облусунда катталганын жана Москвада катталган “Вега” радиокуруу концерни” экөөнүн бири-бирине тиешеси жоктугун белгилейт. - “Вега” илим изилдөө институту “Вега радиокуруу концернинин” филиалы болуп эсептелбейт. Бул экөө таптакыр эки башка юридикалык жактар, аталыштарында гана бир аз окшоштуктар бар. Читать дальше...

Бүгүн Жогорку сот "Эркин эл" саясий партиясынын лидери Мавлян Аскарбековдун ишин кыскартуу жөнүндө чечимди күчүндө калтырды. Бул тууралуу "Азаттыкка" Мавлян Аскарбеков өзү кабарлады. Быйыл 13-июлда Бишкек шаардык сотунун соттук коллегиясы Аскарбековго карата чыккан Биринчи май райондук сотунун чечимин жарым-жартылай өзгөртүп, ага салынган айыппулду алып салган жана Аскарбековдун чет жакка чыгышына тыюу салган чечимди жойгон. Ал эми райондук соттун аны күнөөлүү деп тапкан чечими күчүндө калтырылган. Читать дальше...

Кошмо Штаттарда, Нью-Йорк шаарында былтыр сегиз адамды мерт кылган кол салуу үчүн айыпталган өзбекстандык иммигрант Сайфулло Саиповдун соту башталганы турат. Сотко жөнөтүлгөн документтерге караганда, жараян учурунда прокурорлор аны өлүм жазасына кесүүнү суранышмакчы.

Кошмо Штаттарда, Нью-Йорк шаарында былтыр сегиз адамды мерт кылган кол салуу үчүн айыпталган өзбекстандык иммигрант Сайфулло Саиповдун соту башталганы турат. Сотко жөнөтүлгөн документтерге караганда, жараян учурунда прокурорлор аны өлүм жазасына кесүүнү суранышмакчы.

Француз ырчысы, даңазалуу Шарль Азнавур 95 жашка караган курагында дүйнөдөн кайтты. Парижде туулуп-өскөн, зоболосу ошол шаарда көтөрүлгөн шансонье тарыхый мекени Армения менен да байланышын үзбөй келген. Азнавурдун атагы дүйнөнүн чар тарабына тараган.

Ушу күндөрү дүйнөлүк медианын көңүлү АКШнын Жогорку Соттун судьялыгына талапкер Бретт Кавано айланасындагы кырдалга бурулуп турат. Президент Трамп көрсөткөн судьяга талапкердин студент кезиндеги айрым жоруктар коомчулуктун талкуусуна түшүп, ФБР баш болуп иликтөөдө. Кадрларга байланыштуу улам бир жаңжал чыккан Кыргызстан бул окуядан эмне сабак алса болот? Жогорку Соттун төрайымы баш болгон судьяларды тандоодо, дегеле кадрларды дайындоодо көзөмөлдүн жоктугуна эмне себеп болууда. Бул суроолорго “Азаттыктын”... Читать дальше...

Буга чейин Роналдунун жактоочулары жабырлануучуга 375 миң доллар төлөп, окуянын чоо-жайын ачыктабоону сүйлөшүп алгандыгы кабарланган.

Кыргызстанга 162 бала бакча жана 200 мектеп жетишпейт. Бул тууралуу бүгүн Илим жана билим берүү министри Гүлмира Кудайбердиева Жогорку Кеңеште сүйлөп жатып билдирди. Бул тууралуу министр Жогорку Кеңештин депутаты Данияр Аттокуровдун суроосуна жооп берип жатып билдирди.  - Эгерде эки нөөмөттө миңден бала окуса да, 200дөй мектеп бизге тез арада керек. Андан тышкары 162 бала бакча куруу зарыл.  Бүгүн Жогорку Кеңеште Транспорт, коммуникация жана архитектуралык курулуштар боюнча комитет Билим берүү министрлигинин отчетун угууда. Читать дальше...