«Новая газета» менен Коррупция жана уюшма кылмыштуулукту иликтеген эл аралык борбор (OCCRP) биргелешкен иликтөөсүн жарыялады. Анда орус президенти Владимир Путиндин жансакчылары жана алардын жакындары кантип заматта миллионерге айланганы тууралуу сөз болот.
КСДП экс-президент Алмазбек Атамбаев менен иштөөнү каалабаган парламенттеги фракция мүчөлөрүнө партиядан чыгууну сунуш кылат. Бул тууралуу партиянын төрагасынын орун басары, Жогорку Кеңештин депутаты Ирина Карамушкина "Азаттыкка" билдирди. Анын айтымында, бөлүнүп-жарылууга байланыштуу КСДПны мындан ары өнүктүрүүгө мүмкүн болбой калды. Фракциянын Иса Өмүркуловду катардан чыгаруу боюнча саясий кеңештин чечимин аткарбай койгону ажырымдын акыркы чеги болду. - Партиядагы ажырым мындан ары да уланат, - деди ал. Читать дальше...
Жогорку Кеңештеги "Өнүгүү-Прогресс" фракциясынын депутаты Исхак Масалиев мурдагы президент Алмазбек Атамбаевдин "Апрель" телеканалы менен болгон маегин "жүйөсүз интервью" деп сыпаттады. - Тескерисинче, ал мурунку президент менен азыркы президенттин тирешин күчөттү, - деди депутат. Экс-президент Алмазбек Атамбаев 19-ноябрда "Апрель ТВ" каналына маек куруп, азыркы бийликти "Бакиевдин жолуна түштү" деп айыптады. Буга президент Сооронбай Жээнбековдун командасы жана президенттин аппараты азырынча комментарий бере элек. Читать дальше...
Ирандын тышкы иштер министри Тегеран Ооганстанда бардык багыттар боюнча БУУ менен кызматташууга даяр экенин жана бул өлкөдө тынчтык демилгелерин колдой турганын билдирди.
Баткен облусунун прокурору Анарбай Мамажакыповдун киши колдуу болгону коомчулуктун үрөйүн учурду. Мурдараак ушул эле аймакта айылдык кеңештин төрагасын да белгисиз бирөөлөр атып кеткени чуу жараткан. Баткенге жакын Ошто да прокурор асынып алган.
Германиянын Экономика министрлигинин басма сөз катчысы өз өлкөсү Арабстандын акыркы жынаятына байланыштуу бул өлкөгө курал-жарак экспорттоону расмий түрдө токтотконун билдирди.
Маданият, маалымат жана туризм министрлигине караштуу Туризм департаментинин директору болуп Максат Дамир уулу дайындалды. Бул тууралуу "Азаттыкка" министрликтин басма сөз кызматы 20-ноябрда билдирди. Жаңы жетекчи 33 жашта. АКШда, Жапонияда билип алып, бир канча эл аралык жана жергиликтүү компанияларда иштеген. Департаменттин мурдагы жетекчиси Азамат Жаманкулов октябрда маданият, маалымат жана туризм министри болуп дайындалган.
Баткенде прокурорду өлтүрүү боюнча шектүү катары кармалган аткаминер эки айга камакка алынды. Облустук соттун басма сөз кызматынын өкүлү Аскар Баймуратов билдиргендей, Кадамжай райондук соту облустук капиталдык курулуш башкармалыгынын башчысы Мелис Калыковдун үстүнөн 19-ноябрда ушундай чечим чыгарды. Баткен облусунун мурдагы прокурору, 43 жаштагы Анарбай Мамажакыповдун сөөгү 18-ноябрда аймактагы тоо арасынан табылган. Милиция анын окко учканын билдирип, экспертиза дайындалган. Окуя боюнча Кылмыш-жаза... Читать дальше...
Американын Иранга каршы санкциялары эң алсыздарга – рак менен ооруган жаш балдарга багытталган.
